சினிமாவில் டாப் ஹீரோக்களில் ஒருவராக வலம் வருபவர் ‘உலக நாயகன்’ கமல் ஹாசன். இப்போது இவர் நடிப்பில் ஷங்கரின் ‘இந்தியன் 2’, லோகேஷ் கனகராஜின் ‘விக்ரம் 3’ மற்றும் இயக்குநர் பா.இரஞ்சித் படம் என மூன்று படங்கள் லைன் அப்பில் இருக்கிறது.
இதில் ‘இந்தியன் 2’ படத்தில் மிக முக்கிய ரோல்களில் சித்தார்த், பாபி சிம்ஹா, காஜல் அகர்வால், ரகுல் ப்ரீத் சிங், ப்ரியா பவானி ஷங்கர் மற்றும் பலர் நடிக்கின்றனர்.
டாப் இசையமைப்பாளர்களில் ஒருவரான அனிருத் இசையமைக்கும் இதற்கு ரவிவர்மன் ஒளிப்பதிவு செய்கிறார். இதனை ‘லைகா புரொடக்ஷன்ஸ்’ சுபாஸ்கரனுடன் இணைந்து உதயநிதி ஸ்டாலின் தனது ‘ரெட் ஜெயன்ட் மூவிஸ்’ மூலம் தயாரிக்கிறார். இதன் புதிய ஷெட்யூல் ஷூட்டிங் கடந்த ஆகஸ்ட் 24-ஆம் தேதி முதல் ஆரம்பிக்கப்பட்டு பரபரப்பாக நடைபெற்று வந்தது.
தற்போது, இந்த ஷெட்யூல் முடிவடைந்துள்ளதாக தகவல் கிடைத்துள்ளது. அடுத்த ஷெட்யூலை இம்மாதம் மூன்றாம் வாரத்திலிருந்து ஆரம்பிக்க ப்ளான் போட்டுள்ளனர். இந்த ஷெட்யூலில் கமல் ஹாசனும் கலந்து கொள்வாராம். இந்த தகவலை இயக்குநர் ஷங்கர் நேற்று (செப்டம்பர் 6-ஆம் தேதி) மாலை ‘பொன்னியின் செல்வன்’ இசை வெளியீட்டு விழாவில் கலந்து கொண்டபோது தெரிவித்தார்.
