சினிமாவில் டாப் இயக்குநர்களில் ஒருவராக வலம் வருபவர் ஷங்கர். இவர் இயக்கத்தில் ‘கேம் சேஞ்சர், இந்தியன் 2’ என இரண்டு படங்கள் உருவாகி வருகிறது. இதில் ‘கேம் சேஞ்சர்’ படத்தில் ‘மெகா பவர் ஸ்டார்’ ராம் சரண் நடித்து வருகிறார்.
இந்த படத்தில் ஹீரோயினாக பாலிவுட் நடிகை கியாரா அத்வானி நடித்து வருகிறார். மேலும், பவர்ஃபுல்லான வில்லன் ரோலில் எஸ்.ஜே.சூர்யா நடிக்கிறார்.
தற்போது, ஷங்கர் தனது ட்விட்டர் பக்கத்தில் நேற்றுடன் (மே 9-ஆம் தேதி) ‘கேம் சேஞ்சர்’ படத்தின் க்ளைமேக்ஸ் காட்சியின் படப்பிடிப்பு முடிவடைந்து விட்டதாகவும், ‘இந்தியன் 2’ படத்தின் அடுத்த கட்ட படப்பிடிப்பு இன்று (மே 10-ஆம் தேதி) முதல் ஆரம்பிக்கவுள்ளதாகவும் தெரிவித்துள்ளார்.
‘இந்தியன் 2’ படத்தில் ஹீரோவாக ‘உலக நாயகன்’ கமல்ஹாசன் நடிக்கிறார். மேலும், மிக முக்கிய ரோல்களில் சித்தார்த், பாபி சிம்ஹா, காஜல் அகர்வால், ரகுல் ப்ரீத் சிங், ப்ரியா பவானி ஷங்கர் மற்றும் பலர் நடிக்கின்றனர். அனிருத் இசையமைக்கும் இதற்கு ரவிவர்மன் ஒளிப்பதிவு செய்கிறார்.
