‘பிக் பாஸ் 4’ : “யோவ் என்ன நாமினேட் பண்ண வேற ரீசனே இல்லையா?”… கடுப்பான ஷிவானி!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி மற்றும் சுசித்ரா எலிமினேட் செய்யப்பட்டனர்.

நேற்றைய பிக் பாஸ் நிகழ்ச்சியில் சம்யுக்தா கார்த்திக் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ‘பிக் பாஸ்’ குரலில் “நாமினேஷன் முடிவுகள் வந்துவிட்டன. பேக்கேஜ் வச்சுக்கிட்டு எல்லாரையும் தப்பா புரிஞ்சுக்கிறாரு. ஹவுஸோட peace-அ கெடுக்குறாங்க. சிரிச்சுக்கிட்டே பேசி hurt பண்றாங்க. பாலாவோட ஷேடோவுல தான் இருக்காங்க போன்ற வார்த்தைகளை பயன்படுத்தி இந்த வாரம் எவிக்ஷன் பிராஸஸிற்கு நாமினேட்டான நபர்கள்” என்று ஒலிக்கிறது.

பின், பாலாஜி ஷிவானியிடம் “தவறான செயல்பா இதெல்லாம்” என்று சொல்கிறார். அதன் பிறகு ஷிவானி, ரம்யா மற்றும் ஆஜித்திடம் “யோவ் என்ன நாமினேட் பண்ண வேற reason-ஏ இல்லையா?” என்று சொல்கிறார். பின், பாலாஜி ஆஜித்திடம் “உன்ன விட அதிகமா போக chances யாருன்னு நீ நினைக்குற?” என்று கேட்கிறார். அதற்கு ஆஜித் “என்னைவிட அதிகமான chance எனக்கு தெரிஞ்சு யாரும் இல்ல” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.