SS ராஜமௌலி இயக்கத்தில் அஜய் தேவ்கானுடன் இணைந்து ஸ்ரேயா சரண் நடிக்கவுள்ள அடுத்த படம் ‘RRR ‘.
இந்தத் திரைப்படத்தில் அஜய்தேவ்கான் ஒரு முக்கிய கதாபாத்திரத்திலும் அவருக்கு ஜோடியாக ஸ்ரேயா நடிக்கிறார்.
பிரம்மாண்ட திரைப்படமான பாகுபலி இயக்குநரான ராஜமௌலி இயக்கவிருக்கும் ‘ RRR ‘திரைப்படத்தில் நட்சத்திர நடிகர்களான ஜூனியர் என்டிஆர் மற்றும் ராம்சரண் முக்கிய கதாபாத்திரங்களில் நடிக்கவுள்ளனர். அஜய் தேவ்கான் மற்றும் ஸ்ரேயாவுக்கு இந்தி படமான’ திர்ஷ்யம் ‘ தொடர்ந்து இது இரண்டாவது திரைப்படம். மேலும் இயக்குனர் ராஜமௌலி இயக்கத்தில் சத்ரபதி என்ற படத்தில் பிரபாஸுடன் இணைந்து ஸ்ரேயா ஏற்கனவே நடித்துள்ளார்.
RRR திரைப்படத்தின் படப்பிடிப்பு விக்ராபாத் காடுகளில் நடைபெறுவதாகவும் அதில் ஸ்ரேயா அஜய் தேவ்கானின் காட்சிகள் படம் பிடிக்கப்பட்டு வருகிறது என்றும் கூறுகின்றனர். மேலும் இந்தத் திரைப்படத்தில் ஜூனியர் என்டிஆர் மற்றும் ராம்சரண் சகோதரர்களாக நடிக்கவிருப்பதாக செய்திகள் வெளியாகின.
இந்த திரைப்படத்தை பற்றி இயக்குனர் ராஜமௌலி கூறுகையில்” இந்த திரைப்படம் 1920 ம் ஆண்டின் கதைக்களத்தை கொண்டுள்ளதாக அமையும். மேலும் வரலாற்று சிறப்புமிக்க போராளிகளான அல்லூரி சீதாராம ராஜு மற்றும் குமாரம் பீம் அவர்களின் வாழ்க்கை வரலாற்றை தழுவி இந்தக் கதை உருவாக்கப்பட்டுள்ளது” என்று கூறினார்.
