கன்னட சினிமாவில் டாப் ஹீரோக்களில் ஒருவராக வலம் வருபவர் உபேந்திரா. இவர் நடிப்பில் உருவாகியுள்ள புதிய படம் ‘கப்ஜா’. இந்த படத்தை பாப்புலர் இயக்குநர்களில் ஒருவரான ஆர்.சந்துரு இயக்கியுள்ளார்.
இதில் உபேந்திராவுடன் இணைந்து முன்னணி நடிகர்களான கிச்சா சுதீப், ஷிவராஜ்குமார் ஆகியோரும் நடித்துள்ளனர். மேலும், மிக முக்கிய ரோல்களில் ஸ்ரேயா சரண், முரளி ஷர்மா மற்றும் பலர் நடித்துள்ளனர்.
இதற்கு ரவி பஸ்ரூர் இசையமைத்துள்ளார், ஏ.ஜே.ஷெட்டி ஒளிப்பதிவு செய்துள்ளார், மகேஷ்.எஸ்.ரெட்டி படத்தொகுப்பாளராக பணியாற்றியுள்ளார். சமீபத்தில் வெளியான இதன் டீசர் மற்றும் ட்ரெய்லர் ரசிகர்களிடம் நல்ல வரவேற்பை பெற்றது.
அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்தது. படத்தை வருகிற மார்ச் 17-ஆம் தேதி கன்னடம், தமிழ், தெலுங்கு, மலையாளம், ஹிந்தி என ஐந்து மொழிகளில் ரிலீஸ் செய்ய ப்ளான் போட்டுள்ளனர். இந்நிலையில், இந்த படத்துக்காக நடிகை ஸ்ரேயா சரண் ரூ.3 கோடி சம்பளம் வாங்கியதாக தகவல் கிடைத்துள்ளது.
