கொரோனா டைமில் மாலத்தீவில் எடுத்த ஸ்டில்ஸை வெளியிடும் பிரபலங்கள்… கொந்தளித்த ஸ்ருதி ஹாசன்!

முன்னணி நடிகர் ‘உலக நாயகன்’ கமல் ஹாசனின் மகளாகவும், பிரபல நடிகை அக்ஷரா ஹாசனின் அக்காவாக இருந்தும் திரையுலகில் தனக்கென ஒரு ஃபார்முலாவை பிடித்து அடுத்தடுத்து படங்களில் நடித்து வருகிறார் ஸ்ருதி ஹாசன். ஹிந்தி, தெலுங்கு மொழிகளில் நடித்து கொண்டிருந்த ஸ்ருதி ஹாசனை ‘7-ஆம் அறிவு’ படத்தின் மூலம் தமிழில் ஹீரோயினாக அறிமுகப்படுத்தி அழகு பார்த்தது தமிழ் சினிமா.

‘7-ஆம் அறிவு’ படத்துக்கு பிறகு நடிகை ஸ்ருதி ஹாசனுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘3, பூஜை, புலி, வேதாளம், சி3’ என படங்கள் குவிந்தது. நடிகையாக மட்டுமின்றி இசையிலும் அதிக ஆர்வம் உள்ள ஸ்ருதி ஹாசன் ‘உன்னைப்போல் ஒருவன்’ படத்துக்கு சூப்பராக இசையமைத்து அசத்தினார். மேலும், பிரபல இசையமைப்பாளர்கள் இசையமைத்த படங்களில் ‘அடியே கொல்லுதே, கண்ணழகா காலழகா, உன் விழிகளில், ஏண்டி ஏண்டி’ போன்ற பல சூப்பர் ஹிட் பாடல்களை பாடி லைக்ஸ் குவித்துள்ளார் ஸ்ருதி ஹாசன்.

இப்போது, நடிகை ஸ்ருதி ஹாசன் நடிப்பில் ‘லாபம்’ (தமிழ்), ‘சலார்’ (கன்னடம், தெலுங்கு, தமிழ், மலையாளம், ஹிந்தி) என இரண்டு படங்கள் லைன் அப்பில் இருக்கிறது. இந்நிலையில், ஸ்ருதி ஹாசன் மீடியாவுக்கு கொடுத்த ஒரு பேட்டியில் “தற்போது கொரோனா நோயின் இரண்டாவது அலை தாக்கம் அதிகமாக இருப்பதால், மக்கள் பொருளாதாரம் இழந்து, உற்றார் உறவினர் உயிர் இழந்து, நோய் பற்றிய பீதியிலும் அதிர்ச்சியிலும் ஆழ்ந்து இருக்கின்றனர். இந்த நேரத்தில் பல பிரபலங்கள் மாலத்தீவு, கோவா போன்ற இடங்களுக்கு சுற்றுலா சென்று அங்கு நீச்சல் குளத்தில் மாஸ்க் அணியாமல் எடுத்த ஸ்டில்ஸை ஷேரிட்டு வருவது மிகுந்த வருத்தத்தை அளிக்கிறது. மக்கள் கஷ்டத்தில் இருக்கும் இந்த மாதிரி ஒரு சூழலில் பிரபலங்கள் இப்படியா நடந்து கொள்வது?” என்று கூறியுள்ளார்.