சினிமாவில் பாப்புலர் ஹீரோவாக வலம் வருபவர் சிலம்பரசன் TR. இப்போது சிலம்பரசன் நடிப்பில் ‘மாநாடு, மஹா, பத்து தல’ மற்றும் இயக்குநர் சுசீந்திரன் இயக்க உள்ள புதிய படம் என நான்கு படங்கள் லைன் அப்பில் இருக்கிறது.
பாப்புலர் ஹீரோவான சிலம்பரசன், பல இசையமைப்பாளர்களின் இசையில் ‘கலக்குவேன், என் ஆசை மைதிலியே, லூசுப் பெண்ணே, குட்டிப் பிசாசே, நலம்தானா, எவன்டி உன்ன பெத்தான், லவ் பண்ணலாமா வேணாமா’ போன்ற பல சூப்பர் ஹிட் பாடல்களை பாடி லைக்ஸ் குவித்துள்ளார். இந்நிலையில், சிலம்பரசன் பாடியுள்ள புதிய பாடல் தொடர்பான தகவல் கிடைத்துள்ளது.
‘மக்கள் செல்வன்’ விஜய் சேதுபதி நடிப்பில் ‘யாதும் ஊரே யாவரும் கேளிர்’ என்ற படம் தயாராகி வருகிறது. இந்த படத்தை வெங்கட கிருஷ்ண ரோகாந்த் இயக்க, நிவாஸ் கே பிரசன்னா இசையமைத்து கொண்டிருக்கிறார். இப்படத்தில் இடம்பெறும் ஒரு சூப்பரான பாடலை நடிகர் சிலம்பரசன் பாடியுள்ளாராம். இந்த தகவலை இசையமைப்பாளர் நிவாஸ் கே பிரசன்னாவே தனது இன்ஸ்டாகிராம் பக்கத்தில் கூறியுள்ளார்.
