சினிமாவில் பாப்புலர் ஹீரோவாக வலம் வருபவர் சிலம்பரசன் TR. இப்போது சிலம்பரசன் நடிப்பில் ‘மாநாடு, மஹா, பத்து தல’ மற்றும் இயக்குநர் சுசீந்திரன் இயக்க உள்ள புதிய படம் என நான்கு படங்கள் லைன் அப்பில் இருக்கிறது. இந்நிலையில், சிலம்பரசன் தனது கால்ஷீட் டைரியில் இணைய ஒரு புதிய படத்துக்கு ஓகே சொல்லியிருப்பதாக தகவல் கிடைத்துள்ளது.
இந்த படத்தை டாப் இயக்குநர்களில் ஒருவரான கெளதம் வாசுதேவ் மேனன் இயக்க உள்ளாராம். இப்படத்தை ‘வேல்ஸ் ஃபிலிம் இண்டர்நேஷனல்’ நிறுவனம் சார்பில் ஐசரி கணேஷ் தயாரிக்க உள்ளார். இந்த தகவலை தயாரிப்பு நிறுவனமே தங்களது ட்விட்டர் பக்கத்தில் அதிகாரப்பூர்வமாக அறிவித்துள்ளது.
ரசிகர்கள் பல மாதங்களாக சிலம்பரசன், கெளதம் மேனனுடன் மீண்டும் கூட்டணி அமைப்பதற்காக தான் வெயிட் பண்ணிக் கொண்டிருந்தார்கள். இப்போது கிடைத்திருக்கும் இந்த செய்தியால் நடிகர் சிலம்பரசனின் ரசிகர்கள் ஹேப்பி மோடுக்கு ஆக்டிவேட் ஆகியுள்ளனர். விரைவில் இப்படத்தில் சிலம்பரசனுக்கு ஜோடியாக நடிக்கவிருக்கும் நடிகையின் பெயர் அறிவிக்கப்படும் என எதிர்பார்க்கப்படுகிறது.
On this auspicious Day, #VelsFilmInternational Elated to announce a collaboration with dear @SilambarasanTR_ & director @menongautham for a film beginning very soon from a really brilliant script. More exciting details will follow. #PositiveVibes #SilambarasanTR47 @IshariKGanesh pic.twitter.com/9m8MIMcvDl
— Vels Film International (@VelsFilmIntl) January 28, 2021
