உடல் எடையை குறைத்து ஆளே மாறிவிட்ட சிம்பு- முகத்தை மறைத்து ஓடினார்!

2009 ஆம் ஆண்டு வெளிவந்த “வெண்ணிலா கபடி குழு” படத்தின் மூலம் இயக்குனராக தமிழ் திரையுலகிற்கு அறிமுகமானவர் சுசீந்திரன்.

நான் மகான் அல்ல, பாண்டியநாடு, ஜீவா, ஆதலால் காதல் செய்வீர், பாயும்புலி, சாம்பியன் போன்ற திரைப்படங்களை இயக்கி தமிழ் திரை உலகில் தனக்கென தனி இடத்தை பிடித்திருக்கிறார் சுசீந்திரன். இவர் நடிகர் சிம்புவுடன் இணைந்து தற்போது ஒரு படத்தை இயக்கி வருகிறார்.

மேலும் இந்த படத்தில் நடிகர் சிம்புவுக்கு ஜோடியாக தெலுங்கு மற்றும் இந்தி படங்களில் நடித்த நிதி அகர்வால் நடிக்க உள்ளதாகவும் தகவல் வந்துள்ளது. இவர் ஏற்கனவே தமிழில் பூமி எனும் படத்தில் நடித்து வருகிறார் என்பது குறிப்பிடத்தக்கது.

தற்போது திண்டுக்கல்லில் இந்த படத்தின் ஷூட்டிங் நடந்து வருவதாகவும் அதில் பாரதிராஜா பங்கேற்கும் காட்சிகள் படம் பிடிக்கப்பட்டு வருவதாகவும் செய்தி வந்துள்ளது.

தற்போது சாமி தரிசனம் செய்வதற்காக சிம்பு திருப்பதிக்கு சென்றதாகவும் அப்பொழுது சுமார் 20 கிலோ எடைக்கு மேல் அவர் குறைத்து ஆளே மாறிப் போய் விட்டதாகவும், அந்த புகைப்படங்களை எடுக்க முற்பட்டபோது தன் முகத்தை மறைத்துக்கொண்டு சிம்பு வேகமாக சென்று விட்டதாகவும் தற்போது தகவல் வந்துள்ளது.

வருகிற நவம்பர் மாதத்திலிருந்து மாநாடு படத்தின் படப்பிடிப்பில் சிம்பு கலந்து கொள்ளவுள்ளார் என்பது குறிப்பிடத்தக்கது. கடும் உடற்பயிற்சி செய்து தன் உடல் எடையை அவர் குறைத்து வந்ததும், ஆனால் அந்த புகைப்படங்களை வெளிவிடாமல் ரகசியமாக பாதுகாத்து வருவதாகவும் தகவல் வந்துள்ளது.