‘சிவாஜி’ படத்தில் வந்த அங்கவை – சங்கவை… இவங்களோட ரியல் லுக் ஸ்டில்லை பார்த்துருக்கீங்களா?

‘சூப்பர் ஸ்டார்’ ரஜினிகாந்த் போலீஸாக மாஸ் காட்டிய ‘தர்பார்’ படம் இந்த ஆண்டு தொடக்கத்தில் வெளியானது. இந்த படத்துக்கு பிறகு ரஜினி எந்த இயக்குநருடன் கூட்டணி அமைக்கப்போகிறார் என்ற எதிர்பார்ப்பு இருந்தது. பின், இயக்குநர் சிவாவின் இயக்கத்தில் தான் ரஜினி நடிக்கப்போகிறார் என்று உறுதிசெய்யப்பட்டது.

இந்த படத்தை தயாரிப்பது ‘சன் பிக்சர்ஸ்’ என்பதால், படத்தின் ஒவ்வொரு அப்டேட்டும் ரஜினியின் ‘முத்து’ பட வசனம் போல் எப்போ வரும்னு சொல்லாம, வரவேண்டிய நேரத்துல கரெக்ட்டா வந்தது. படத்தின் டைட்டிலே ‘அண்ணாத்த’ என்று திடீரென அறிவித்து விட்டார்கள். மேலும், படத்தில் மீனா, கீர்த்தி சுரேஷ், குஷ்பூ, ‘லேடி சூப்பர் ஸ்டார்’ நயன்தாரா என ஹீரோயின்கள் பட்டாளமே நடிக்கிறது.

இதன் புதிய ஷெடியூல் ஷூட்டிங் வருகிற நவம்பர் மாதம் சென்னையில் ஆரம்பமாகவுள்ளது. இந்நிலையில், ரஜினி நடிப்பில் 2007-யில் வெளியான ‘சிவாஜி’ படம் தொடர்பாக ஒரு புகைப்படம் ஒன்று வைரலாகி வருகிறது. இயக்குநர் ஷங்கர் இயக்கியிருந்த இந்த படத்தில் வரும் ஒரு காமெடி காட்சியில் ‘அங்கவை – சங்கவை’ என்ற ரோல்களில் இரண்டு பெண்கள் நடித்திருந்தார்கள். படத்தில் இவர்கள் இருவருக்கும் மேக்கப் போட்டு கருப்பாக காட்டியிருப்பார்கள். இப்போது இவர்களின் ஒரிஜினல் லுக் ஸ்டில் வெளியாகியுள்ளது.