டிவி டு சினிமா வந்து சில ஆண்டுகளிலேயே முன்னணி ஹீரோக்களின் லிஸ்டில் இடம் பிடித்து மாஸ் காட்டியவர் சிவகார்த்திகேயன். இவர் நடிப்பில் ‘அயலான், மாவீரன், ப்ரின்ஸ்’, இயக்குநர் ராஜ்குமார் பெரியசாமி படம் என நான்கு படங்கள் லைன் அப்பில் இருந்தது.
இதில் ‘ப்ரின்ஸ்’ படம் தெலுங்கு, தமிழ் என இரண்டு மொழிகளில் இன்று (அக்டோபர் 21-ஆம் தேதி) திரையரங்குகளில் ரிலீஸாகியுள்ளது. இந்த படத்தை ‘ஜாதி ரத்னாலு’ என்ற தெலுங்கு படம் மூலம் ஃபேமஸான இயக்குநர் அனுதீப் கேவி இயக்கியுள்ளார்.
சிவகார்த்திகேயனின் 20-வது படமான இதில் ஹீரோயினாக மரியா ரியாபோஷாப்கா நடித்துள்ளார். மேலும், மிக முக்கிய ரோலில் சத்யராஜ் நடித்துள்ளார். இதற்கு தமன் இசையமைத்துள்ளார்.
இதனை ‘ஸ்ரீ வெங்கடேஸ்வரா சினிமாஸ் LLP – சுரேஷ் புரொடக்ஷன்ஸ் – சாந்தி டாக்கீஸ்’ ஆகிய நிறுவனங்கள் இணைந்து தயாரித்துள்ளது. தற்போது, இன்று காலை சென்னையில் உள்ள ரோகினி திரையரங்கில் ஆடியன்ஸுடன் இப்படத்தை தனது மனைவியுடன் பார்க்க சென்ற சிவகார்த்திகேயன் ‘பிம்பிலிக்கி பிலாப்பி’ பாடலுக்கு நடனமாடியபோது எடுக்கப்பட்ட வீடியோ வெளியாகியுள்ளது.
