சிவகார்த்திகேயன் – மிஷ்கின் இணைந்து நடித்துள்ள ‘மாவீரன்’… வெளியானது மேக்கிங் வீடியோ!

டிவி டு சினிமா வந்து சில ஆண்டுகளிலேயே முன்னணி ஹீரோக்களின் லிஸ்டில் இடம் பிடித்து மாஸ் காட்டியவர் சிவகார்த்திகேயன். ‘மெரினா, 3, மனம் கொத்திப் பறவை, கேடி பில்லா கில்லாடி ரங்கா, எதிர் நீச்சல்’ ஆகிய படங்களில் தனக்கு கிடைத்த நடிக்கும் வாய்ப்பை சரியாக பயன்படுத்திக் கொண்டு ரசிகர்களிடம் அப்ளாஸ் வாங்கினார் சிவகார்த்திகேயன்.

இதனைத் தொடர்ந்து சிவகார்த்திகேயனுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் படங்கள் குவிந்தது. இப்போது இவர் நடிப்பில் ‘அயலான், மாவீரன்’, இயக்குநர் ராஜ்குமார் பெரியசாமி படம் என மூன்று படங்கள் லைன் அப்பில் இருக்கிறது. இதில் ‘மாவீரன்’ படத்தை ‘மண்டேலா’ புகழ் இயக்குநர் மடோன் அஷ்வின் இயக்குகிறார்.

இந்த படத்தில் சிவகார்த்திகேயனுக்கு ஜோடியாக அதிதி ஷங்கர் நடித்துள்ளார். மேலும், மிக முக்கிய ரோல்களில் மிஷ்கின், சரிதா, யோகி பாபு ஆகியோர் நடித்துள்ளனர். இதனை ‘சாந்தி டாக்கீஸ்’ என்ற நிறுவனம் தயாரிக்கிறது. இதற்கு பரத் ஷங்கர் இசையமைத்து வருகிறார். இதன் போஸ்ட் புரொடக்ஷன் பணிகள் முடிவடையும் தருவாயில் உள்ளது.

சமீபத்தில் ரிலீஸ் செய்யப்பட்ட இப்படத்தின் இரண்டு பாடல்கள் ரசிகர்களிடம் நல்ல வரவேற்பை பெற்றது. படத்தை வருகிற ஜூலை 14-ஆம் தேதி ரிலீஸ் செய்ய ப்ளான் போட்டுள்ளனர். தற்போது, இதன் ப்ரீ-ரிலீஸ் ஃபங்க்ஷனை வருகிற ஜூலை 2-ஆம் தேதி நடத்த திட்டமிட்டிருப்பதாக அறிவித்ததுடன், படத்தின் மேக்கிங் வீடியோவையும் ரிலீஸ் செய்துள்ளனர்.

Can’t wait to see you all on 2nd July #MaaveeranPreReleaseEvent #MaaveeranFromJuly14th #Maaveeran #KoluthiPoduTappasa @Siva_Kartikeyan @AditiShankarofl @madonneashwin @bharathsankar12 @iamarunviswa @DirectorMysskin #Saritha @suneeltollywood @iYogiBabu @vidhu_ayyanna… pic.twitter.com/nb4jZbuYad

— Shanthi Talkies (@ShanthiTalkies) June 26, 2023