டிவி டு சினிமா வந்து சில ஆண்டுகளிலேயே முன்னணி ஹீரோக்களின் லிஸ்டில் இடம் பிடித்து மாஸ் காட்டியவர் சிவகார்த்திகேயன். இப்போது இவர் நடிப்பில் ‘அயலான்’, இயக்குநர் ஏ.ஆர்.முருகதாஸ் படம், இயக்குநர் ராஜ்குமார் பெரியசாமி படம் என மூன்று படங்கள் லைன் அப்பில் இருக்கிறது.
இதில் சயின்ஸ்-ஃபிக்ஷன் படமான ‘அயலான்’-யின் போஸ்ட் புரொடக்ஷன் வேலைகள் பரபரப்பாக நடைபெற்று வருகிறது. இந்த படத்தை இயக்குநர் ரவிக்குமார் இயக்க, ஹீரோயினாக ரகுல் ப்ரீத் சிங் நடித்துள்ளார்.
மேலும், முக்கிய ரோல்களில் இஷா கோபிகர், ஷரத் கெல்கர், யோகி பாபு, கருணாகரன், பானுப்ரியா, பால சரவணன் மற்றும் பலர் நடித்துள்ளனர். இந்த படத்தில் வலம் வரும் ஏலியன் கேரக்டருக்கு நடிகர் சித்தார்த் குரல் கொடுத்துள்ளார். இதற்கு ஏ.ஆர்.ரஹ்மான் இசையமைத்து வருகிறார்.
சமீபத்தில், ரிலீஸ் செய்யப்பட்ட இதன் GLIMPSE, சிங்கிள் டிராக் மற்றும் டீசர் ரசிகர்களிடம் நல்ல வரவேற்பை பெற்றது. படத்தை வருகிற பொங்கலுக்கு தமிழ், தெலுங்கு, மலையாளம், ஹிந்தி, கன்னடம் என ஐந்து மொழிகளில் ரிலீஸ் செய்ய ப்ளான் போட்டுள்ளனர். தற்போது, இந்த படத்தின் செகண்ட் சிங்கிள் டிராக்கான ‘அயலா அயலா’வை டிசம்பர் 20-ஆம் தேதி ரிலீஸ் செய்யவிருப்பதாக தகவல் கிடைத்துள்ளது.
Welcoming our friendly #Ayalaan musically
Get ready for the Second single#AyalaaAyalaa, releasing on Wednesday, 20th of December.
An @arrahman musical#AyalaanFromPongal #AyalaanFromSankranti#Ayalaan @Siva_Kartikeyan @TheAyalaan ‘Chithha’ #Siddharth… pic.twitter.com/dFff7ROJqa
— KJR Studios (@kjr_studios) December 18, 2023
Home