எப்போது முடிவடையும் சிவகார்த்திகேயனின் டாக்டர் திரைப்படத்தின் ஷூட்டிங்?

நடிகர் சிவகார்த்திகேயன் நடிப்பில் விரைவில் வெளிவரவிருக்கும் திரைப்படம் “டாக்டர்”. இந்த படத்தை நடிகர் சிவகார்த்திகேயனே தயாரித்துள்ளார். “கோலமாவு கோகிலா” படத்தின் இயக்குனர் நெல்சன் திலீப்குமார் இந்த படத்தை இயக்கியுள்ளார்.

இந்தப்படத்திற்கு அனிருத் ரவிச்சந்தர் இசையமைக்கிறார். இந்தப்படத்தில் வரும் “செல்லம்மா” என்ற பாடலை ஏற்கனவே திரைப்படக் குழு சில வாரங்களுக்கு முன் வெளியிட்டிருந்தது.

ஆனால் இந்த படத்தை குறித்து வேறு எந்த அப்டேட்களும் வெளிவராத நிலையில் சிவகார்த்திகேயன் தற்போது இந்த படத்தின் ஷூட்டிங் வருகிற டிசம்பருக்குள் முடியுமென்றும் ஒரு பாடல் காட்சி மட்டுமே படம் பிடிப்பதற்கு பாக்கி இருப்பதாகவும் கூறியிருக்கிறார்.

இதனால் வருகிற டிசம்பருக்குள் டாக்டர் திரைப்படத்தின் ஷூட்டிங் நிறைவடைந்து சம்மர் 2021 இல் இந்த திரைப்படம் வெளியாகும் என்று எதிர்பார்க்கப்படுகிறது. இந்த படத்தை SK புரோடக்சன்ஸ் உடன் இணைந்து kjr தயாரிப்பு நிறுவனம் தயாரித்துள்ளது.