அடுத்த வாரம் சிவகார்த்திகேயன் படம் ரிலீஸ்… கொண்டாட்டத்தில் ரசிகர்கள்!

டிவி டு சினிமா வந்து சில ஆண்டுகளிலேயே முன்னணி ஹீரோக்களின் லிஸ்டில் இடம் பிடித்து மாஸ் காட்டியவர் சிவகார்த்திகேயன். ‘மெரினா, 3, மனம் கொத்திப் பறவை, கேடி பில்லா கில்லாடி ரங்கா, எதிர் நீச்சல்’ ஆகிய படங்களில் தனக்கு கிடைத்த நடிக்கும் வாய்ப்பை சரியாக பயன்படுத்திக் கொண்டு ரசிகர்களிடம் அப்ளாஸ் வாங்கினார் சிவகார்த்திகேயன்.

இதனைத் தொடர்ந்து சிவகார்த்திகேயனுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘வருத்தப்படாத வாலிபர் சங்கம், மான் கராத்தே, காக்கி சட்டை, ரஜினி முருகன், ரெமோ, வேலைக்காரன்’ என படங்கள் குவிந்தது. இப்போது, சிவகார்த்திகேயன் நடிப்பில் ‘டாக்டர்’, ‘அயலான்’ மற்றும் இயக்குநர்கள் தேசிங் பெரியசாமி – சிபி சக்கரவர்த்தி படங்கள் என நான்கு படங்கள் லைன் அப்பில் இருக்கிறது.

இந்நிலையில், சிவகார்த்திகேயன் நடித்து கடந்த 2019-யில் ரிலீஸான ‘சூப்பர் ஹீரோ’ படமான ‘ஹீரோ’வை தெலுங்கில் டப் செய்து வருகிற டிசம்பர் 11-ஆம் தேதி ரிலீஸ் செய்ய ப்ளான் போட்டுள்ளதாக தகவல் கிடைத்துள்ளது. தெலுங்கு வெர்ஷனுக்கு ‘சக்தி’ என்று தலைப்பு வைக்கப்பட்டிருக்கிறதாம். பி.எஸ்.மித்ரன் இயக்கியிருக்கும் இந்த படத்தில் சிவகார்த்திகேயனுடன் இணைந்து அர்ஜுன், கல்யாணி ப்ரியதர்ஷன், அபய் தியோல் நடித்திருக்கிறார்கள்.