தமிழ் திரைப்படவுலகில் குழந்தைகள் முதல் பெரியவர்கள் வரை அனைத்து தரப்பினரிடமும் பெரிய வரவேற்பைப் பெற்றவர் நடிகர் சிவகார்த்திகேயன். சின்னத்திரையில் இருந்து கடினமாக உழைத்து வெள்ளித்திரைக்கு சென்ற இவர் நடிப்பில் 2018 ஆம் ஆண்டு வெளிவந்த திரைப்படம் “கனா”.
பாடலாசிரியர் மற்றும் பாடகரான அருண்ராஜா காமராஜ் இயக்கத்தில் உருவான இந்த திரைப்படத்தில் சிவகார்த்திகேயன், ஐஸ்வர்யா ராஜேஷ், சத்யராஜ் ஆகியோர் நடித்திருப்பார்கள். இந்த படத்தை சிவகார்த்திகேயனே தயாரித்திருந்தார். இந்தப் படம் விமன் கிரிக்கெட் பற்றிய கதையை கூறியுள்ளது. ஐஸ்வர்யா ராஜேஷ் இந்த படத்தில் விமன் கிரிக்கெட்டராக நடித்திருப்பார். இந்தப்படத்தில் இவருக்கு கோச்சாக சிவகார்த்திகேயன் சில காட்சிகளில் வருவார். ரசிகர்களிடையே பெரும் வரவேற்பை பெற்ற இந்த திரைப்படம் தற்போது இந்தியில் ரீமேக் செய்யப்படப் போவதாக செய்தி வந்துள்ளது.
இதை உறுதிபடுத்தும் விதமாக, சிவகார்த்திகேயன்,பாலிவுட் நடிகையான ஷயமிகேர் நடிப்பில் வெளிவந்த “சோக்” படத்தில் அவரது நடிப்பை பாராட்டி ட்விட் செய்துள்ளார். மேலும் அவர்”கிரிக்கெட்டர் கதாபாத்திரத்தில் உங்களை காண்பதற்கு ஆவலாக உள்ளேன்” என்றும் குறிப்பிட்டுள்ளார். இதற்கு நன்றி கூறி ஷயமிகேர் இந்த செய்தியை உறுதிப்படுத்தியுள்ளார். இந்தப் படம் இந்தியில் ரீமேக் செய்யப்பட்டால் அதில் சிவகார்த்திகேயன் கோச்சாக நடிப்பாரா? போன்ற கேள்விகள் ரசிகர்களிடையே தற்போது எழுந்துள்ளது. அவ்வாறு நடித்தால் சிவகார்த்திகேயனுக்கு இந்த படம் பாலிவுட் என்ட்ரீயாக அமையும்.
இந்த படம் ஏற்கனவே தெலுங்கில் ரீமேக் செய்யப்படவுள்ளதாகவும் இதன் மூலமாக சிவகார்த்திகேயன் தெலுங்கு படவுலகில் என்ட்ரீ கொடுக்கவுள்ளார் என்று கூறியிருந்தார் என்பது குறிப்பிடத்தக்கது. தற்போது சிவகார்த்திகேயன் நெல்சன் திலீப் குமார் இயக்கத்தில் “டாக்டர்” என்ற படத்திலும், ரவிக்குமார் இயக்கத்தில் “அயலான்”என்ற படத்திலும் நடித்துவருகிறார். லாக்டவுன் முடிந்ததும் இந்த படவேலைகள் முடிக்கப்படும் என்று செய்தி வெளியாகியுள்ளது.
Home