தமிழ் சினிமாவில் டாப் ஹீரோக்களில் ஒருவராக வலம் வருபவர் சிவகார்த்திகேயன். இப்போது இவர் நடிப்பில் ‘அயலான்’, இயக்குநர் ராஜ்குமார் பெரியசாமி படம் என இரண்டு படங்கள் லைன் அப்பில் இருக்கிறது.
இதில் இயக்குநர் ராஜ்குமார் பெரியசாமி இயக்கும் படம் சிவகார்த்திகேயனின் கேரியரில் 21-வது படமாம். இந்த படத்தில் சிவகார்த்திகேயனுக்கு ஜோடியாக ‘ப்ரேமம்’ படம் மூலம் ஃபேமஸான சாய் பல்லவி நடிக்கிறார். இதற்கு ஜி.வி.பிரகாஷ் குமார் இசையமைத்து வருகிறார்.
இதனை ‘சோனி பிக்சர்ஸ்’ நிறுவனத்துடன் இணைந்து டாப் ஹீரோக்களில் ஒருவரான ‘உலக நாயகன்’ கமல் ஹாசன் தனது ‘ராஜ்கமல் ஃபிலிம்ஸ் இண்டர்நேஷனல்’ மூலம் தயாரிக்கிறாராம். இதன் ஷூட்டிங் பரபரப்பாக நடைபெற்று வருகிறது.
தற்போது, இந்த படத்துக்காக நடிகர் சிவகார்த்திகேயன் சிக்ஸ் பேக் வைத்திருப்பதாக குறிப்பிட்டு ஒரு ஸ்டில் ஒன்று சமூக வலைத்தளங்களில் வைரலாகி வருகிறது. இது குறித்து நம்பத்தகுந்த வட்டாரங்களில் விசாரிக்கையில் இப்புகைப்படம் ஒரிஜினல் இல்லை என்றும், போட்டோஷாப் மூலம் ரசிகர் ஒருவர் தான் இதை எடிட் செய்திருக்கிறார் என்றும் தகவல் கிடைத்துள்ளது.
