“இவர் சரியில்ல, நாமினேட் பண்ணி தூக்கு, கொல்லு”-ன்னு சொன்ன சுரேஷ்.. வெளியானது ‘பிக் பாஸ் 4’ புது ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். கடந்த ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ‘பிக் பாஸ் வீடு ஒரு ஆனந்த குடும்பம். பிக் பாஸ் வீடு ஒரு போட்டிக்களம்” என்ற தலைப்பில் ஒரு சிறப்பு பட்டிமன்றம் நடைபெறுகிறது.

இதில் ரியோ ராஜ் “நம்ம குடும்பத்தை தாண்டியாடா அது ஒரு பெரிய குடும்பமா இருக்கப்போகுது? இங்க இருக்க இவ்ளோ பிரச்சனையை பார்த்தாச்சு. அங்க இருக்குற பிரச்சனையை பார்த்திர முடியாதா?” என்று பேசுகிறார். சனம் ஷெட்டி “நான் general-ஆவே ரொம்ப ரியாக்ட் பண்ணுவேன்” என்று பேசுகிறார். பாலாஜி முருகதாஸ் “நேத்து ஒரு முதியவரை அவன், இவன், போடா, உனக்கு என்ன மரியாதை” என்று பேசுகிறார். ஜித்தன் ரமேஷ் “யோவ் உனக்கு என்னையா மூளையெல்லாம் குழம்பி போச்சா? வயசாக ஆக இப்படி ஆயிட்டிருக்கன்னு நீ அப்படிதான் சொன்ன” என்று பேசுகிறார். அறந்தாங்கி நிஷா “சண்டை இருக்கணும்டா, சண்டை வேணும்” என்று பேசுகிறார். சரேஷ் சக்கரவர்த்தி “இது ஒரு போட்டிக்களம் தான். குடும்பம் குடும்பம் குடும்பமா இருக்கே தவிர குடும்பங்கள் இல்லை. அய்யோ இவர் சரியில்ல. நாமினேட் பண்ணி அவனை தூக்கு, கொல்லு என்பது போட்டி” என்று பேசுகிறார். இவ்வீடியோ சமூக வலைத்தளங்களில் தீயாய் பரவி வருகிறது.