கே.வி. ஆனந்த் இயக்கத்தில் சூர்யா நடிக்கவுள்ளதாக தகவல்கள் வெளியாகியுள்ளது.
தமிழ் திரையுலகில் விஜய் மற்றும் அஜித் காலம் தொட்டே அவர்களோடு போட்டியில் இருக்கும் சில நடிகர்களில் சூர்யாவும் ஒருவர். தனது தனித்துவமான நடிப்பால் ரசிகர்களை கவரும் குணமுடையவர். நடிப்பு மட்டும் இல்லாமல் பல பொதுச்சேவையிலும் அவர் முன்பிலிருந்து ஈடுபட்டு வருவது குறிப்பிடத்தக்கது. இந்நிலையில் கே.வி. ஆனந்த் இயக்கத்தில் 2019ஆம் ஆண்டு சூர்யா நடிப்பில் உருவான படம் தான் காப்பான். மக்களிடையும், விமர்சகர்கள் இடையேயும் இந்த படம் பெரிய அளவில் வரவேற்பை பெற்றது.
இந்நிலையில் இந்த வெற்றி ஜோடி மீண்டும் இணைய உள்ளதாக தகவல்கள் வெளியாகி உள்ளன. கே.வி. ஆனந்த் இயக்கத்தில் அயன், மாற்றான் மற்றும் காப்பான் ஆகிய வெற்றி படங்கள் வெளியான நிலையில் தற்போது இந்த செய்தியால் சூர்யா ரசிகர்கள் மகிழ்ச்சியில் ஆழ்ந்துள்ளனர்.
தற்போது சூர்யா சுதா இயக்கத்தில் சூரரைப்போற்று, ஹர் இயக்கத்தில் அருவா மற்றும் வெற்றிமாறன் இயக்கத்தில் வாடிவாசல் போன்ற படங்களில் நடிக்க ஒப்பந்தமாகியுள்ள நிலையில் இந்த படங்களுக்கு பின்பு தான் இந்த கூட்டணி குறித்த அறிவிப்பு வரும் என்று எதிர்பார்க்கப்படுகிறது.
