பிரபல நடிகர் விஜயக்குமாரின் மகள் வனிதா விஜயகுமார் சமீபத்தில் பீட்டர்பால் என்பவர் மூன்றாவது திருமணம் செய்து கொண்டார். இவர் திருமணமான நாள் முதலே பல பிரச்சினைகளை சந்தித்து வருகிறார்.
பீட்டர் பாலின் முதல் மனைவி தங்களுக்குள் இன்னும் விவாகரத்து ஆகவில்லை என்று சர்ச்சையை கிளப்பிய போது பலரும், வனிதா விஜயகுமாருக்கு ஆலோசனை கூறுகிறோம், விமர்சிக்கிறோம் என்று சமூக வலைதளங்களில் பதிவிட்டு வந்தார்கள். அதற்கு தக்க பதிலடி கொடுத்து வந்த வனிதா விஜயகுமார் மிகவும் மனம் நொந்து காணப்பட்டார்.
இந்நிலையில் தற்போது தயாரிப்பாளர் ரவீந்தர் சந்திரசேகர் மற்றும் சூர்யா தேவி என்பவரால் விமர்சனத்துக்கு உள்ளானார் வனிதா விஜயகுமார்.இவர்கள் மீது சைபர் புல்லியிங் கேஸ் ஒன்றை போலீசில் புகார் கொடுத்தார் வனிதா.
மேலும் இந்த சூரிய தேவி கஞ்சா விற்பவர் என்பதற்கு தன்னிடம் தகுந்த ஆதாரங்கள் இருக்கிறது என்று வனிதா தரப்பு வக்கீல் நேர்காணல் ஒன்றில் பேட்டியளித்திருந்தார்.
இதைத் தொடர்ந்து தற்போது சூர்யா தேவி நடிகை வனிதா மீது தன்னைப் பற்றி தவறான அவதூறு செய்திகளை பரப்புவதாக வடபழனி காவல்நிலையத்தில் புகார் கொடுத்துள்ளார். மேலும் அவர் தொடர்ந்து நான் வனிதாவைப் பற்றி விமர்சனம் செய்து தான் கொண்டிருப்பேன். அவரை ஜெயிலுக்கு அனுப்பிய பின் நானும் ஜெயிலுக்கு சென்று நேருக்கு நேர் அவரை சந்திப்பேன் என்று ஆவேசமாக கூறியிருக்கிறார்.
ஏற்கனவே வனிதா விஜயகுமாரை பற்றி லட்சுமி ராமகிருஷ்ணன், குட்டி பத்மினி மற்றும் கஸ்தூரி ஆகியோர் விமர்சனம் செய்து பின்பு அவரிடம் மன்னிப்பு கேட்டு விலகி விட்டார்கள் என்பது குறிப்பிடத்தக்கது. மேலும் தயாரிப்பாளர் ரவிந்தரும் இனிமேல் அவரைப் பற்றி பேச மாட்டேன் என்று செய்தி ஒன்றை வெளியிட்டுள்ளார்.
