முன்னணி நடிகர்களில் ஒருவராக வலம் வருபவர் ‘தல’ அஜித். இவர் நடித்த கடைசி படமான ‘துணிவு’ கடந்த ஜனவரி 11-ஆம் தேதி பொங்கல் ஸ்பெஷலாக தமிழ் மற்றும் தெலுங்கில் (தெகிம்பு) ரிலீஸானது.
அஜித்தின் 61-வது படமான இதனை இயக்குநர் ஹெச் வினோத் இயக்க, போனி கபூர் தயாரித்திருந்தார். இதனைத் தொடர்ந்து அஜித்தின் 62-வது படத்தை இயக்குநர் மகிழ் திருமேனி இயக்கவுள்ளார். ‘லைகா புரொடக்ஷன்ஸ்’ நிறுவனம் தயாரிக்கவுள்ள இதற்கு அனிருத் இசையமைக்கவுள்ளார்.
இதன் ஷூட்டிங் மிக விரைவில் ஆரம்பமாகவிருக்கிறது. இந்நிலையில், கடந்த 4 ஆண்டுகளாக பக்கவாத நோயால் பாதிக்கப்பட்டிருந்த நடிகர் அஜித்தின் தந்தை பி.எஸ்.மணி (வயது 85) கடந்த மார்ச் 24-ஆம் தேதி அதிகாலை இயற்கை எய்தினார்.
தற்போது, நடிகர்கள் சூர்யா மற்றும் கார்த்தி அஜித்தின் தந்தை மறைவுக்கு நேரில் சென்று ஆறுதல் சொன்னதாக தகவல் கிடைத்துள்ளது. அப்போது எடுக்கப்பட்ட வீடியோ வெளியாகி வைரலாகி வருகிறது.
Exclusive | Now : Our @Karthi_Offl Anna & @Suriya_Offl Anna At #Ajith Sir Home For expressing their sincere condolences to Ajith Sir & His Family.#Karthi #Japan #Suriya pic.twitter.com/PPK5P0kXU6
— Karthi Fans Club ™ (@Karthi_AIFC) March 27, 2023
