சினிமாவில் டாப் ஹீரோக்களில் ஒருவராக வலம் வருபவர் சூர்யா. இப்போது இவர் நடிப்பில் இயக்குநர் வெற்றிமாறன் இயக்கும் ‘வாடிவாசல்’, இயக்குநர் லோகேஷ் கனகராஜ் இயக்கும் ‘விக்ரம் 2’ மற்றும் இயக்குநர் சிவா படம் என மூன்று படங்கள் லைன் அப்பில் இருக்கிறது.
இதில் சிவா இயக்கும் படம் சூர்யாவின் கேரியரில் 42-வது படமாம். இந்த படத்தில் சூர்யாவுக்கு ஜோடியாக திஷா பதானி நடித்து வருகிறார். இதன் ஷூட்டிங் பரபரப்பாக நடைபெற்று வருகிறது.
சூர்யா நடிப்பில் 2017-ஆம் ஆண்டு வெளியான படம் ‘சி3’. சூப்பர் ஹிட்டான ‘சிங்கம்’ படத்தின் மூன்றாம் பாகமான இதில் சூர்யாவுக்கு ஜோடியாக அனுஷ்கா ஷெட்டி நடிக்க, பாப்புலர் இயக்குநர்களில் ஒருவரான ஹரி இதனை இயக்கியிருந்தார்.
இதில் சூர்யா காக்கி சட்டை அணிந்து பவர்ஃபுல்லான போலீஸ் ரோலில் வலம் வந்து எதிரிகளை துவம்சம் செய்து ரசிகர்களிடம் அப்ளாஸ் வாங்கினார். மேலும், முக்கிய ரோல்களில் ஸ்ருதி ஹாசன், சூரி, தாகூர் அனூப் சிங், க்ரிஷ், ரோபோ ஷங்கர், ராதிகா சரத்குமார், சரத்பாபு, நிதின் சத்யா மற்றும் பலர் நடித்திருந்தனர். இந்த படம் உலக அளவில் ரூ.110 கோடி வசூல் செய்ததாம்.
