முன்னணி நடிகர்களில் ஒருவரான சூர்யா நடித்து, தயாரித்துள்ள புதிய படம் ‘சூரரைப் போற்று’. ‘ஏர் டெக்கான்’ விமான நிறுவனர் ஜி.ஆர்.கோபிநாத்தின் வாழ்க்கையை மையமாக வைத்து கதைக்களம் அமைக்கப்பட்டுள்ள இப்படத்தை பெண் இயக்குநர் சுதா கொங்கரா இயக்கியுள்ளார்.
இதில் சூர்யா ‘நெடுமாறன் ராஜாங்கம்’ என்ற கேரக்டரில் வலம் வரவுள்ளார். அவருக்கு ஜோடியாக அபர்ணா பாலமுரளி நடித்துள்ளாராம். மேலும், டோலிவுட் நடிகர் மோகன் பாபு, பாலிவுட் நடிகர்கள் பரேஷ் ராவல் – ஜாக்கி ஷெராஃப் ஆகியோர் மிக முக்கிய ரோல்களில் நடித்திருக்கிறார்கள். இந்த படத்துக்கு ஜி.வி.பிரகாஷ் குமார் இசையமைத்துள்ளார், நிகேத் பொம்மி ஒளிப்பதிவு செய்திருக்கிறார், ஜாக்கி கலை இயக்குநராகவும், சதீஷ் சூர்யா படத்தொகுப்பாளராகவும் பணியாற்றியுள்ளனர்.
இதற்கு ‘உறியடி’ புகழ் விஜய் குமார் வசனம் எழுதியுள்ளார். சமீபத்தில், இப்படம் வருகிற அக்டோபர் 30-ஆம் தேதி ‘அமேசான் ப்ரைம்’-யில் ரிலீஸாகப்போகிறது என்று சூர்யா அறிவித்தார். நேற்று முன் தினம் (அக்டோபர் 22-ஆம் தேதி) இந்திய விமானப் படையிலிருந்து தடையில்லா சான்றிதழ் பெறுவதில் தாமதம் ஏற்படுவதால் படத்தின் வெளியீட்டை தள்ளி வைத்துள்ளதாக சூர்யா கூறினார். தற்போது, தடையில்லா சான்றிதழ் கிடைத்து விட்டதாக தயாரிப்பு நிறுவனம் தரப்பில் இருந்து அதிகாரப்பூர்வ தகவல் கிடைத்துள்ளது. விரைவில் புதிய ரிலீஸ் தேதியை அறிவிப்பார்களாம்.
https://twitter.com/rajsekarpandian/status/1319651912786927617
