மீராமிதுன் விமர்சனத்திற்கு நடிகர் சூர்யாவின் பதிலடி!
August 12, 2020 / 11:06 AM IST
|Follow Us
உலக நாயகன் கமல்ஹாசன் தொகுத்து வழங்கிய பிக்பாஸ் நிகழ்ச்சி மூலம் மக்களுக்கு பரிச்சயமான மீராமிதுன், தொடர்ந்து சர்ச்சையான விஷயங்களில் சிக்கி தற்போது ட்விட்டரில் தன் சர்ச்சைக்குரிய கமெண்ட் மூலம் வைரலாகி வருகிறார்.
முன்னணி நட்சத்திரங்கள் குறித்து வசைபாடி வரும் மீராமிதுனை பலரும் கோபத்துடன் திட்டியும் கலாய்த்தும் வருகிறார்கள். சமீபத்தில் இவர் விஜய் மற்றும் சூர்யா பற்றி பேசியதற்கு அவரது ரசிகர்கள் மீரா மிதுன் இவர்களிடம் மன்னிப்பு கேட்டே ஆகவேண்டும் என்று திட்டி பதிவிட்டு வருகிறார்கள்.
மேலும் மீராமிதுன் இதை ஒரு நெகடிவ் பப்ளிசிட்டிக்காக செய்கிறார் என்று பலர் தங்களது கருத்துக்களை கூறிவருகிறார்கள். இவர் பிரபல நட்சத்திரங்கள் மற்றும் அவர்கள் குடும்பம் பற்றி கொச்சையாக பேசி வருகிறார். இது குறித்து நடிகர் சங்கமோ அல்லது சம்பந்தப்பட்ட நடிகர்களோ எந்த விதமான எதிர்ப்புகளும் தெரிவிக்காத நிலையில் இயக்குனர் பாரதிராஜா இதுகுறித்து ஆவேசமான அறிக்கை ஒன்றை வெளியிட்டிருந்தார். மேலும் அந்த அறிக்கையில் பாரதிராஜா தங்களது ரசிகர்களை கட்டுப்படுத்துமாறு நட்சத்திரங்களிடன் கோரிக்கை விடுத்திருந்தார்.
இந்த அறிக்கைக்கும் தகுந்த பதிலடி கொடுத்து தவறாக விமர்சித்திருந்தார் மீரா மிதுன். இதுதொடர்பாக தற்போது நடிகர் சூர்யா அறிக்கை ஒன்றை வெளியிட்டுள்ளார்.
இந்த பதிவில் நடிகர் சூரியா கூறியுள்ளதாவது “எனது தம்பி தங்கைகளின் நேரமும் சக்தியும் ஆக்கபூர்வமான செயல்களில் பயன்பட வேண்டும் என்பதே எனது விருப்பம். இயக்குனர் இமயம் திருமிகு.பாரதிராஜா அவர்களுக்கு எனது உளப்பூர்வமான நன்றிகள். தரம் தாழ்ந்த விமர்சனங்களுக்கு எதிர்வினை ஆற்றி நம் தரத்தை நாம் குறைத்துக் கொள்ளக்கூடாது. உங்கள் நேரத்தையும் சக்தியையும் பயனுள்ளவற்றில் செலவிடுங்கள். நாடு நலம் பெற என் அன்பான ரசிகர்களே” என்று பதிவிட்டு பதிலடி கொடுத்துள்ளார்.
எனது தம்பி தங்கைகளின் நேரமும், சக்தியும் ஆக்கப்பூர்வமான செயல்களுக்குப் பயன்பட வேண்டும் என்பதே என் விருப்பம். இயக்குனர் இமயம் திருமிகு. பாரதிராஜா அவர்களுக்கு என் உளப்பூர்வமான நன்றிகள்.. https://t.co/qR32iviTfO
தரம் தாழ்ந்த விமர்சனங்களுக்கு எதிர்வினையாற்றி நம் தரத்தை நாம் குறைத்துகொள்ள வேண்டாம். உங்களின் நேரத்தையும், சக்தியையும் பயனுள்ள செயல்களுக்கு செலவிடுங்கள். சமூகம் பயன் பெற. 🙏 #AnbaanaFans