சூர்யா நடித்து விக்ரம் கே குமார் இயக்கத்தில் வெளியான திரைப்படம் 24 ரசிகர்களிடையே பெரும் வரவேற்பையும் வெற்றியையும் எட்டியது. தயாரிப்பாளருக்கு பாக்ஸ் ஆபீஸ் ஹிட் பெற்றுத்தந்த , இந்த திரைப்படத்தின் இரண்டாம் பாகம் இயக்கப்பட உள்ளதாக செய்திகள் வெளியாகின.
24 திரைப்படத்தின் போஸ்டரில் நடிகர் சூர்யா பாரா கிளைடிங் செய்வதுபோல் புகைப்படம் இடம் பெற்றிருந்தது. இதைப்பற்றி கேட்டபோது தயாரிப்பாளர் விக்ரம் அவர்கள் கூறியதாவது” நேரக் கட்டுப்பாடு கருதி அக்காட்சி முதல் பாகத்தில் நீக்கப்பட்டது என்றும் இரண்டாம் பாகத்தில் இந்த காட்சி இடம்பெறலாம்” என்றும் கூறினார். இதன் மூலம் இரண்டாம் பாகம் வரவுள்ளது உறுதிசெய்யப்பட்டது.
இந்த திரைப்படத்தில் ஆத்ரேயா, மணி, சேது என்ற கதாபாத்திரத்தில் சூர்யா தனது நடிப்பாற்றலை வெளிப்படுத்தியிருந்தார். மேலும் இத்திரைப்படத்தில் ஆத்ரேயா இறந்ததற்கான காட்சி இடம்பெறவில்லை என்றும் ,அதுதான் அடுத்த பாகத்திற்கான தொடர்ச்சி என்றும் இயக்குனர் தெரிவித்துள்ளார்.
மேலும் இந்த திரைப்படம் மிகவும் வித்தியாசமான கதைக்களம் கொண்டிருந்த நிலையில் இதன் இரண்டாம் பாகம் வெற்றி பெறுமா என்று கேள்வி மக்களிடையே நிலவுகிறது. அனைத்து சூப்பர் ஹிட் படங்களுக்கும் இரண்டாம் பாகம் உருவாக்கப்படுவது தற்போது சினிமாவில் நிகழ்கிறது.
