சுஷாந்தின் தற்கொலை குறித்து தொடரும் மர்மங்கள்!

பிரபல பாலிவுட் திரைப்பட நடிகரான சுஷாந்த் சிங் ராஜ்புட் கடந்த ஜூன் 14ம் தேதி அவரது மும்பை இல்லத்தில் தற்கொலை செய்து கொண்டார்.

இவரது தற்கொலைக்கான காரணங்கள் குறித்து பல்வேறு வதந்திகள் பரவி வருகிறது. இந்நிலையில் போலீசார் அவர் தற்கொலைக்கான காரணத்தை கண்டறிய தீவிரமாக அவரது நண்பர்கள், உறவினர்கள் மற்றும் சில பிரபலங்களை விசாரித்து வருகின்றனர்.

இந்நிலையில் சுஷாந்தின் காதலி என்று அறியப்படும் ரியா சக்ரபர்த்தியிடம் போலீசார் சுமார் 10 மணி நேரம் விசாரணை நடத்தினர். இதில் அவர் சுஷாந்திற்கு மிகுந்த மன அழுத்தம் இருந்ததாகவும், அவரை மன அழுத்தத்திலிருந்து விடுபடுவதற்கு உதவி செய்து வந்ததாகவும் கூறியுள்ளார். மேலும் மும்பையில் உள்ள சுஷாந்த் இல்லத்தில் இவர்கள் இருவரும் லிவின் டுகெதர் ரிலேஷன்ஷிபில் இருந்தார்கள் என்று ஒரு திடுக்கிடும் தகவலை வெளியிட்டுள்ளார். சம்பவம் நடந்த சில நாட்களுக்கு முன்பு இருவருக்கிடையில் கருத்து வேறுபாடு காரணமாக இவர் வீட்டை விட்டு சென்று விட்டதாகவும் கூறியுள்ளார்.

மேலும் இவர்கள் இருவருக்கும் இடையில் வந்த சண்டைக்கு சுஷாந்த் நண்பர் பதானி அவர்களுடன் தங்கியிருந்தது தான் காரணம் என்றும் கூறியுள்ளார். மேலும் இவர்கள் இந்த வருட இறுதியில் திருமணம் செய்து கொள்வதாக முடிவு செய்ததாகவும் ஒரு செய்தி வெளியிட்டுள்ளார்.

இதைத்தொடர்ந்து போலீசார் அவரது நண்பர் சித்தார்த் பதானியிடம் விசாரணை மேற்கொண்டுள்ளார்.

இது ஒரு பக்கமிருக்க இவரது தற்கொலைக்கு பாலிவுட்டில் நடக்கும் வாரிசு அரசியல் தான் காரணம் என்று கங்கனா ரனாவத் கோபமாக வீடியோக்களை வெளியிட்டு வருகிறார். கங்கனா ரனாவத் தன்னுடைய வீடியோ பதிவில், பாலிவுட்டில் வளர்ந்து வரும் இளம் திறமையாளர்களை நசுக்குவதற்காகவே சில கூட்டம்
இங்குள்ளது. அவர்கள்தான் சுஷாந்த் தற்கொலைக்கு தூண்டுதலாக அமைந்துள்ளனர்.மேலும் சுஷாந்த் இவர்கள் ஏளனமாக பேசுவதை நம்பி தன் உயிரை மாய்த்துக் கொண்டார் ஆனால் அவர் தாய் இவரது சிறப்பு பற்றி கூறியதை மறந்து விட்டார். என்னையும் சில பேர் தோல்விகள் அடையும்போது இதைத் தாண்டி வந்து விடு தற்கொலை செய்து கொள்ளாதே என்றெல்லாம் கூறியுள்ளார்கள். மேலும் சில பத்திரிக்கையாளர்கள் சுஷாந்த் பலவீனமானவர் என்று எழுதியுள்ளனர், ஆனால் அவ்வளவு திறமை மிக்க புத்திசாலி எப்படி பலவீனமானவராக இருக்க முடியும்” என்று கோபமாக பதிவிட்டுள்ளார்.

மேலும் அவர் “இவரது தற்கொலைக்கான காரணத்தை நான் கண்டறியாமல் விடமாட்டேன். இவர் தற்கொலைக்கு தூண்டுதலாக இருந்தவர் யார் என்பதை நான் வெளிச்சத்திற்குக் கொண்டு வருவேன்” என்றும் தற்போது செய்தி வெளியிட்டுள்ளார்.

இந்த திறமையான இளம் நடிகரின் தற்கொலைக்குப் பின்னால் மர்மங்கள் இருந்தாலும்இவரது இழப்பு அவரது ரசிகர்களை பெரும் சோகத்தில் ஆழ்த்தியுள்ளது.