சினிமாவில் முன்னணி ஹீரோயின்களில் ஒருவராக வலம் வருபவர் தமன்னா. தமிழில் அறிமுகமான முதல் படத்திலேயே நெகட்டிவ் ஷேடில் நடித்திருந்தார் தமன்னா. அந்த படம் தான் ‘கேடி’. ‘கேடி’-க்கு பிறகு கதையின் நாயகியாக நடித்த ‘கல்லூரி’ திரைப்படம் மிகப் பெரிய ஹிட்டாகி தமன்னாவுக்கு நல்ல பெயரை வாங்கித் தந்தது.
அதன் பிறகு தமன்னாவுக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘படிக்காதவன், அயன், ஆனந்த தாண்டவம், கண்டேன் காதலை, பையா, சுறா, தில்லாலங்கடி, சிறுத்தை, வேங்கை, வீரம், பாகுபலி, வாசுவும் சரவணனும் ஒண்ணா படிச்சவங்க, தோழா, தர்மதுரை, தேவி, அன்பானவன் அசராதவன் அடங்காதவன், ஸ்கெட்ச், பெட்ரோமாக்ஸ், ஆக்ஷன்’ என படங்கள் குவிந்தது.
தமன்னா தமிழ் மொழியில் மட்டுமின்றி தெலுங்கு, ஹிந்தி, கன்னடம், மராத்தி ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார். இப்போது, தமன்னா நடிப்பில் தமிழில் ‘ஜெயிலர்’, தெலுங்கில் ‘தட் இஸ் மகாலக்ஷ்மி, போலா ஷங்கர்’, ஹிந்தியில் ‘போலே சுடியான், லஸ்ட் ஸ்டோரிஸ் 2’, மலையாளத்தில் ‘பந்த்ரா’ என 6 படங்கள் லைன் அப்பில் இருக்கிறது.
சமீபத்தில், தமன்னா பிரபல பாலிவுட் நடிகர் விஜய் வர்மாவுக்கு லிப் லாக் முத்தம் கொடுத்த வீடியோ வெளியானதில் இருந்து இவர்கள் இருவரும் காதலித்து வருவதாக தண்டோரா போடப்பட்டது. பின், தமன்னாவே மீடியாவுக்கு கொடுத்த ஒரு பேட்டியில் விஜய் வர்மாவுடனான காதலை உறுதிபடுத்தினார். தற்போது, இன்ஸ்டாகிராமில் தனது காதலர் விஜய் வர்மாவுடன் எடுத்துக் கொண்ட ஹாட்டான போட்டோஷூட் ஸ்டில்ஸை தமன்னா வெளியிட்டுள்ளார்.
