சினிமாவில் முன்னணி ஹீரோயின்களில் ஒருவராக வலம் வருபவர் தமன்னா. தமிழில் அறிமுகமான முதல் படத்திலேயே நெகட்டிவ் ஷேடில் நடித்திருந்தார் தமன்னா. அந்த படம் தான் ‘கேடி’. ‘கேடி’-க்கு பிறகு கதையின் நாயகியாக நடித்த ‘கல்லூரி’ திரைப்படம் மிகப் பெரிய ஹிட்டாகி தமன்னாவுக்கு நல்ல பெயரை வாங்கித் தந்தது. அதன் பிறகு தமன்னாவுக்கு அடித்தது ஜாக்பாட்.
அடுத்தடுத்து இவரின் கால்ஷீட் டைரியில் ‘படிக்காதவன், அயன், ஆனந்த தாண்டவம், கண்டேன் காதலை, பையா, சுறா, தில்லாலங்கடி, சிறுத்தை, வேங்கை, வீரம், பாகுபலி, வாசுவும் சரவணனும் ஒண்ணா படிச்சவங்க, தோழா, தர்மதுரை, தேவி, அன்பானவன் அசராதவன் அடங்காதவன், ஸ்கெட்ச், பெட்ரோமாக்ஸ், ஆக்ஷன்’ என படங்கள் குவிந்தது. தமன்னா தமிழ் மொழியில் மட்டுமின்றி தெலுங்கு, ஹிந்தி, கன்னடம், மராத்தி ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார்.
இப்போது, தமன்னா நடிப்பில் ஐந்து படங்கள் மற்றும் ஒரு வெப் சீரிஸ் லைன் அப்பில் இருக்கிறது. இந்நிலையில், ‘நவம்பர் ஸ்டோரி’ என்ற க்ரைம் த்ரில்லர் வெப் சீரிஸின் டீசரை தமன்னா ட்விட்டரில் வெளியிட்டுள்ளார். இதனை அறிமுக இயக்குநர் ராம் சுப்ரமணியன் இயக்கியுள்ளார். இதில் முக்கிய ரோல்களில் ஜி.எம்.குமார், பசுபதி, விவேக் பிரசன்னா மற்றும் பலர் நடித்துள்ளனர். இவ்வெப் சீரிஸ் விரைவில் ‘டிஸ்னி ப்ளஸ் ஹாட் ஸ்டார்’-யில் ரிலீஸாகுமாம்.
Super excited to announce my new Tamil web series ‘November Story’, streaming soon exclusively on @Disneyplushsvip! #TamilNaattinPuthiyaThirai pic.twitter.com/mwh68vzWNm
— Tamannaah Bhatia (@tamannaahspeaks) October 23, 2020
