சினிமாவில் முன்னணி ஹீரோயின்களில் ஒருவராக வலம் வருபவர் தமன்னா. தமிழில் அறிமுகமான முதல் படத்திலேயே நெகட்டிவ் ஷேடில் நடித்திருந்தார் தமன்னா. அந்த படம் தான் ‘கேடி’. ‘கேடி’-க்கு பிறகு கதையின் நாயகியாக நடித்த ‘கல்லூரி’ திரைப்படம் மிகப் பெரிய ஹிட்டாகி தமன்னாவுக்கு நல்ல பெயரை வாங்கித் தந்தது.
அதன் பிறகு தமன்னாவுக்கு அடித்தது ஜாக்பாட். இவரின் கால்ஷீட் டைரியில் ‘அயன், பையா, சிறுத்தை, வீரம், பாகுபலி, தேவி, பெட்ரோமாக்ஸ், ஆக்ஷன்’ என படங்கள் குவிந்தது. தமன்னா தமிழ் மொழியில் மட்டுமின்றி தெலுங்கு, ஹிந்தி, கன்னடம், மராத்தி ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார். இப்போது, தமன்னா நடிப்பில் நான்கு படங்கள் லைன் அப்பில் இருக்கிறது.
இந்நிலையில், நடிகை தமன்னா தனது அதிகாரப்பூர்வ ட்விட்டர் பக்கத்தில் “கடந்த சில நாட்களாக எனது பெற்றோருக்கு கொரோனா தொற்று இருப்பதற்கான அறிகுறிகள் தென்பட்டது. பின், வீட்டில் அனைவருக்குமே கொரோனா டெஸ்ட் எடுக்கப்பட்டது. எனது அப்பா மற்றும் அம்மாவிற்கு மட்டும் கொரோனா தொற்று இருப்பது உறுதி செய்யப்பட்டுள்ளது. நான் உட்பட மற்ற குடும்ப உறுப்பினர்களுக்கு நெகட்டிவ் என்று வந்துள்ளது. உங்களுடைய பிரார்த்தனைகளால் எனது பெற்றோர் கொரோனா தொற்றில் இருந்து மீண்டு வருவார்கள்” என்று கூறியுள்ளார்.
— Tamannaah Bhatia (@tamannaahspeaks) August 26, 2020
