தெலுங்கு சினிமாவில் டாப் ஹீரோக்களில் ஒருவராக வலம் வருபவர் மகேஷ் பாபு. இவரது ரசிகர்கள் இவரை ‘சூப்பர் ஸ்டார்’ என்று அன்போடு அழைத்து வருகிறார்கள். மகேஷ் பாபு தமிழிலும் ‘ஸ்பைடர்’ என்ற படத்தில் நடித்திருந்தது குறிப்பிடத்தக்கது.
இந்த படத்தை தமிழில் டாப் இயக்குநர்களில் ஒருவரான ஏ.ஆர்.முருகதாஸ் இயக்கியிருந்தார். இதில் ஹீரோயினாக ரகுல் ப்ரீத் சிங்கும், பவர்ஃபுல்லான வில்லன் ரோலில் எஸ்.ஜே.சூர்யாவும் நடித்திருந்தனர்.
இப்போது மகேஷ் பாபு நடிப்பில் இயக்குநர் த்ரிவிக்ரம் ஸ்ரீநிவாஸ் படம் மற்றும் இயக்குநர் எஸ்.எஸ்.ராஜமௌலி படம் என இரண்டு படங்கள் லைன் அப்பில் இருக்கிறது. இதில் த்ரிவிக்ரம் ஸ்ரீநிவாஸ் படத்தின் ஷூட்டிங் சமீபத்தில் ஆரம்பிக்கப்பட்டது. இதில் மகேஷ் பாபுவுக்கு ஜோடியாக பூஜா ஹெக்டே நடித்து வருகிறார்.
இந்நிலையில், உடல் நலக் குறைவு காரணமாக சிகிச்சை பெற்று வந்த நடிகர் மகேஷ் பாபுவின் தாயார் இந்திரா தேவி (வயது 70) இயற்கை எய்தினார் என்று தகவல் கிடைத்துள்ளது. இவரது மறைவுக்கு திரையுலகினர் இரங்கல் தெரிவித்து வருகின்றனர்.
Home