தல – தளபதியை பின்னுக்கு தள்ளிய வேறுமொழி சூப்பர்ஸ்டார்!

தற்போது லாக்டவுன் காரணமாக அனைவரும் வீடுகளுக்குள் முடங்கி இருப்பதால், சமூக வலைத்தளங்களில் மக்களின் ஈடுபாடு அதிகரித்துள்ளது.

இந்த நிலையில் எந்த ஒரு சினிமா பிரபலத்தின் பிறந்தநாள் அல்லது படத்தைப்பற்றி அப்டேட் வந்தால் அதை அவரது ரசிகர்கள் பெருமளவில் ஷேர் செய்து அதை சாதனையாக மாற்றி வருகிறார்கள்.

இதனால் நீண்ட நாட்களாகவே விஜய் பிறந்தநாள் அஜித் பிறந்தநாள் மற்றும் அவர்கள் படங்கள் குறித்த அப்டேட் விவரங்கள் மூலம் சமூக வலைத்தளத்தில் இந்த இரண்டு பெரிய நட்சத்திரங்களின் ரசிகர்கள் சாதனை புரிந்த வந்தது குறிப்பிடத்தக்கது.

தற்போது தமிழ் ரசிகர்களின் இந்த சாதனையை முறியடிக்கும் வகையில் தென்னிந்தியாவில் பிரபலமான தெலுங்கு சூப்பர் ஸ்டார் ஒருவரின் ரசிகர்களும் களம் இறங்கியுள்ளார்கள்.

தற்போது தமிழ் நடிகர்களுக்கு இணையாக தெலுங்கு நடிகர்களின் ரசிகர்களும் சமூக வலைத்தளத்தை ஆட்டிப் படைக்கிறார்கள். கடைசியாக தளபதி விஜய்யின் பிறந்தநாளன்று அவரது ரசிகர்கள் சுமார் 10 லட்சம் டுவிட் பதிவு செய்தது புதிய சாதனையாக இருந்தது.

ஆனால் அந்த சாதனையை தற்போது தெலுங்கு சூப்பர் ஸ்டார் மகேஷ் பாபுவின் ரசிகர்கள் முறியடித்துள்ளார். தெலுங்கு சூப்பர் ஸ்டார் மகேஷ் பாபுவின் பிறந்தநாளை முன்னிட்டு கடந்த ஆகஸ்ட் 9ம் தேதி சுமார் 6 கோடி பதிவுகளை பதிவிட்டு சாதனை படைத்துள்ளார்கள்.

இது விஜய் மற்றும் அஜித் ரசிகர்கள் இதற்கு முன்னர் பதிவு செய்த எண்ணிக்கையை விட மிகவும் அதிகமாம். அதனால் அஜித் மற்றும் விஜய் ரசிகர்களை பின்னுக்கு தள்ளிய மகேஷ்பாபு ரசிகர்கள் மிகவும் மகிழ்ச்சியில் இருக்கிறார்கள்.