வைரலாகும் தளபதி விஜய் திரைப்படத்தின் பிடிஎஸ் வீடியோ!

தமிழ் சினிமாவின் முன்னணி நடிகர்களில் ஒருவரான விஜய் நடிப்பில் லோகேஷ் கனகராஜ் இயக்கத்தில் அடுத்து வெளிவரவிருக்கும் திரைப்படம் மாஸ்டர். தற்போது கொரோனா லாக்டவுன் காரணமாக இந்த திரைப்படத்தின் வெளியீடு தள்ளி வைக்கப்பட்டுள்ளது.

விஜய் ரசிகர்கள் இந்த திரைப்படத்திற்காக ஆவலாக காத்திருக்கும் இந்த நிலையில் விஜய்யின் பழைய வீடியோக்கள் மற்றும் புகைப்படங்களை தற்போது ஷேர் செய்து விஜய் ரசிகர்கள் உற்சாகத்தில் இருக்கிறார்கள்.

தற்போது ஜில்லா திரைப்படத்தின் படப்பிடிப்பின்போது நடிகர் விஜய் மற்றும் காஜல் அகர்வால் குறும்பாக விளையாடிக் கொண்டிருக்கும் பிடிஎஸ் வீடியோ ஒன்று சமூக வலைத்தளத்தில் வைரலாகி வருகிறது.

ஏ.ஆர்.முருகதாஸ் இயக்கத்தில் விஜய் மற்றும் காஜல் அகர்வால் நடிப்பில் வெளியான திரைப்படம் ஜில்லா. இந்தப் படத்திற்கு டி.இமான் இசையமைத்திருந்தார்.

இந்த படத்தில் வரும் “எப்ப மாமா ட்ரீட்டு” என்ற பாடலின் படப்பிடிப்பின்போது நடன குழு, இயக்குனர் நேசன் இவர்களுடன் காஜல் அகர்வால் நடனமாடும்போது நடிகர் விஜய் வந்து காஜல் அகர்வாலை கிண்டல் செய்வது போன்ற வீடியோ தற்போது இணையத்தில் வைரலாகி வருகிறது.

மேலும் புதிய தகவல் என்னவென்றால் நடிகர் விஜய்யுடன் காஜல் அகர்வால் மீண்டும் இணைந்து துப்பாக்கி படத்தின் சீக்வெல் படத்தில் விரைவில் நடிக்க உள்ளதாகவும் ஒரு செய்தி வெளியாகியுள்ளது.

https://twitter.com/Kingslayer_Vj/status/1300478523501543424?s=19