தமிழ் திரைப்பட ரசிகர்களிடையே பெரும் ஆவலை ஏற்படுத்தியுள்ள விஜய்யின் அடுத்த படம் ‘தளபதி65’. இத்திரைப்படத்தை குறித்த பல செய்திகள் இணையத்தில் வெளியான வண்ணம் உள்ளன.
அதில் காதலும் கடந்து போகும், கவன் மற்றும் வானம் கொட்டட்டும் ஆகிய தமிழ் படங்களில் நடித்த நடிகை மடோன்னா செபாஸ்டின் விஜய்யின் இப்படத்தில் முக்கியமான வேடத்தில் நடிக்க உள்ளதாக செய்திகள் வெளியாகியுள்ளன.
இப்படத்தின் இயக்குனராக ஏ .ஆர். முருகதாஸ் அவர்கள் இருக்கலாம் எனவும் வட்டாரங்கள் தெரிவிக்கின்றன. அவ்வாறு இருக்கும் நிலையில் விஜய் மற்றும் முருகதாஸ் அவர்களின் கூட்டணி துப்பாக்கி, கத்தி, சர்க்கார் ஆகிய திரைப்படங்களைத் தொடர்ந்து இப்படத்தில் நீடிக்கும்.
இத்திரைப்படத்தின் கதாநாயகியை இன்னும் தேர்வு செய்யவில்லை என்று செய்திகள் வெளியாகியுள்ளன.
தளபதி விஜய் மற்றும் மாளவிகா மோகன் நடித்து லோகேஷ் கனகராஜ் இயக்கத்தில் வெளியிடப்பட இருந்த மாஸ்டர் திரைப்படம் இந்த ஊரடங்கையொட்டி நிறுத்திவைக்கப்பட்டுள்ளது . என்பது குறிப்பிடத்தக்கது.
Home