“விஜய் அண்ணாவின் ‘வாரிசு’ எமோஷனல் காட்சிகளை பார்த்து அழுதேன்”… தமன் போட்ட உருக்கமான ட்வீட்!

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். இப்போது விஜய் நடிப்பில் ‘வாரிசு’ மற்றும் இயக்குநர் லோகேஷ் கனகராஜ் படம் என இரண்டு படங்கள் லைன் அப்பில் இருக்கிறது. இதில் ‘வாரிசு’ படத்தை ‘ஸ்ரீ வெங்கடேஸ்வரா கிரியேஷன்ஸ்’ நிறுவனம் சார்பில் தில் ராஜு தயாரித்துள்ளார்.

இப்படத்தினை ‘தோழா’ படம் மூலம் ஃபேமஸான இயக்குநர் வம்சி இயக்கியுள்ளார். இந்த படத்தில் விஜய்-க்கு ஜோடியாக ராஷ்மிகா மந்தனா நடித்துள்ளார். மேலும், மிக முக்கிய ரோல்களில் சரத்குமார், பிரபு, எஸ்.ஜே.சூர்யா, பிரகாஷ் ராஜ், ஜெயசுதா, சங்கீதா, யோகி பாபு, ஸ்ரீகாந்த், ஷாம், சம்யுக்தா, கணேஷ் வெங்கட்ராம் ஆகியோர் நடித்துள்ளனர்.

இதற்கு தமன் இசையமைத்துள்ளார். சமீபத்தில், வெளியிடப்பட்ட ட்ரெய்லர் மற்றும் பாடல்கள் ரசிகர்களிடம் நல்ல வரவேற்பை பெற்றது. அதுமட்டுமின்றி, படத்தின் மீதான எக்ஸ்பெக்டேஷன் லெவலையும் எகிற வைத்தது. படத்தை நாளை (ஜனவரி 11-ஆம் தேதி) தமிழிலும், ஜனவரி 13-ஆம் தேதி ஹிந்தியிலும், ஜனவரி 14-ஆம் தேதி தெலுங்கிலும் பொங்கல் பண்டிகையை முன்னிட்டு ரிலீஸ் செய்ய ப்ளான் போட்டுள்ளனர்.

இந்நிலையில், இசையமைப்பாளர் தமன் தனது ட்விட்டர் பக்கத்தில் “விஜய் அண்ணா, நான் ‘வாரிசு’ படத்தின் எமோஷனல் காட்சிகளை பார்த்து அழுதேன் அண்ணா. இப்படம் என் மனதுக்கு மிகவும் நெருக்கமான படமாக அமைந்துள்ளது. இப்படத்தில் பணியாற்றும் மிகப் பெரிய வாய்ப்பை எனக்கு கொடுத்ததற்கு ரொம்ப நன்றி விஜய் அண்ணா, லவ் யூ” என்று பதிவிட்டுள்ளார்.

Anna @actorvijay Anna ❤️

I cried From the Heart Watching all the Emotional Scenes dear anna ❤️ Tears Are Precious #Varisu Movie Is My family Anna It’s Close To My heart ❤️ Thanks For Giving me This biggest Opportunity dear Anna Love U ️#BlockbusterVarisu FROM TOM pic.twitter.com/QgZdOdGR9G

— thaman S (@MusicThaman) January 10, 2023