இயக்குனர் பா .ரஞ்சித் இயக்கத்தில் இறுதியாக வெளியான படம் நட்சத்திரம் நகர்கிறது . துஷாரா விஜயன், காளிதாஸ் ஜெயராம் மற்றும் கலையரசன் நடிப்பில் இந்த படம் வெளியானது .. பா.ரஞ்சித்தின் வழக்கமான இசையமைப்பாளரான சந்தோஷ் நாராயணனுக்கு பதிலாக இந்தப் படத்திற்கு இசையமைப்பாளராக டென்மா பணியாற்றினார் . நட்சத்திரம் நகருகிறது 31 ஆகஸ்ட் 2022 அன்று திரையரங்குகளில் உலகம் முழுவதும் வெளியிடப்பட்டது விமர்சகர்கள் மற்றும் பார்வையாளர்களிடமிருந்து கலவையான விமர்சனங்களை பெற்றது . இதனை தொடர்ந்து நடிகர் விக்ரமை வைத்து இயக்குனர் பா.ரஞ்சித் படம் இயக்கி வருகிறார் .
நடிகர் விக்ரம் நடிப்பில் கடைசியாக வெளியான படம் கோப்ரா . இந்த படத்தை அஜய் ஞானமுத்து இயக்கி இருந்தார் . பெரிய எதிர்பார்ப்புடன் வெளியான இந்த படம் ரசிகர்களிடம் பெரிய அளவில் வரவேற்பை பெறவில்லை .
இந்நிலையில் ரஞ்சித் இயக்கத்தில் விக்ரம் நடிக்கும் படத்தை ஸ்டுடியோ கிரீன் சார்பாக ஞானவேல் தயாரித்து வருகிறார் . இந்த படத்திற்கு ஜி.வி.பிரகாஷ் இசையமைத்து வருகிறார் கே.ஜி.எஃப் நடந்த உண்மை சம்பவத்தை அடிப்படையாக கொண்டு இந்த படம் உருவாகிறது . தற்போது இந்த படத்தின் படப்பிடிப்பு மதுரையில் நடந்து வருகிறது . படப்பிடிப்பில் இருந்து சில புகைப்படங்களை நடிகர் விக்ரம் பகிர்ந்து உள்ளார் . தற்போது இந்த புகைப்படங்கள் வைரலாகி வருகிறது .
Home