நடிகர் அஜித் நடிப்பில் துணிவு படம் வெளியாகி வெற்றிகரமாக திரையரங்கில் ஓடிக்கொண்டிருக்கிறது .இந்த படத்திற்கு பிறகு நடிகர் அஜித் விக்னேஷ் சிவன் இயக்கத்தில் லைக்கா நிறுவனம் தயாரிப்பில் தனது 62 -வது படத்தில் நடிக்க உள்ளார் என்று 8 மாதங்களுக்கு முன் அறிவிப்பு வெளியானது .
இந்நிலையில் சில வாரங்களுக்கு முன் விக்னேஷ் சொன்ன கதை லைக்கா நிறுவனத்திற்கும் நடிகர் அஜித்திற்கு திருப்தி அளிக்கவில்லை அதனால் விக்னேஷ் சிவன் – அஜித் படம் உருவாகவில்லை . அஜித் விக்னேஷ் சிவனை நிராகரித்து விட்டார் என்று கூறப்படுகிறது .
மகிழ் திருமேனி தான் அஜித்தின் அடுத்த படத்தை இயக்க உள்ளார் என்று கூறப்பட்டு வருகிறது . இந்நிலையில் இந்த படத்தின் அறிவிப்பு எப்போது வரும் என்று ரசிகர்கள் எதிர்பார்த்துக் கொண்டிருந்த நிலையில் விரைவில் படக்குழு ஏகே 62 பட அறிவிப்பை வெளியிட உள்ளது. மார்ச் மாதத்தில் 62 படத்தின் படப்பிடிப்பு தொடங்க உள்ளதாகவும், 120 நாட்களிலேயே படத்தை எடுத்து முடிக்க திட்டம் தீட்டியுள்ளார்களாம். இதனால் இந்த வார இறுதிக்குள் ஏகே 62 பட அறிவிப்பு வெளியாகும் என்று கூறப்படுகிறது .
இந்நிலையில் ஏகே 62 படத்தில் வில்லனாக நடிக்க அருண் விஜய்யிடம் பேச்சுவார்த்தை நடத்தி வருவதாக கூறப்படுகிறது . ஏற்கனவே அஜித் – அருண் விஜய் இணைந்து நடித்த என்னை அறிந்தால் படம் ரசிகர்களிடம் நல்ல வரவேற்பை பெற்றது குறிப்பிடத்தக்கது .
