கடைசி நேரத்தில் அசின் நழுவவிட்ட சூப்பர் ஹிட் படவாய்ப்பு

தமிழ் சினிமாவில் 2006 ஆம் ஆண்டு கிருஷ்ணா இயக்கத்தில் வெளிவந்த திரைப்படம் “சில்லுனு ஒரு காதல்”. இந்த திரைப்படம் 14 ஆண்டுகளை சமீபத்தில் நிறைவு செய்தது.

இதற்காக பலரும் போஸ்டர்களை இணையதளத்தில் வெளியிட்டு கொண்டாடினார்கள் என்பது குறிப்பிடத்தக்கது. இதையொட்டி இந்த படத்தை பற்றிய சுவாரஸ்யமான தகவல் ஒன்று வெளியாகியுள்ளது.

சூர்யா, ஜோதிகா, பூமிகா, ஷ்ரியா ஷர்மா, வடிவேலு, சந்தானம் ஆகியோர் நடிப்பில் வெளியான இந்த திரைப்படம் ரசிகர்களிடையே பெரிய வரவேற்பை பெற்றது. ஸ்டுடியோ கிரீன் ஞானவேல்ராஜா இந்த படத்தை தயாரித்திருந்தார்.

ஏ.ஆர்.ரகுமான் இசையில் இந்தப் படத்தின் பாடல்கள் அனைத்தும் சூப்பர் ஹிட் அடித்தது. சூர்யா ஜோதிகா இணைந்து நடித்திருந்ததால் இந்தப் படம் இருவரது ரசிகர்களிடையே பெரிதாக கொண்டாடப்பட்டது.

காதல், காமெடி, எமோஷன் என கலவையாக இந்த படம் ரசிகர்களுக்கு பெரிய விருந்தாக அமைந்திருந்தது. ராஜசேகர் ஒளிப்பதிவில் இந்த படத்தின் காட்சிகளை அந்தோனி எடிட்டிங் செய்திருந்தார்.

அந்த சுவாரஸ்யமான தகவல் என்னவென்றால் முதன்முதலில் பூமிகா நடித்த கதாபாத்திரத்தில் நடிப்பதற்கு நடிகை அசினைத்தான் அணுகினார்களாம் திரைப்படக் குழு. ஆனால் இந்த படத்தில் நடிப்பதற்கு அவர் விருப்பம் காட்டாததால் பூமிகாவை கமிட் செய்தார்களாம்.

ஆனால் இந்தப் படம் சூப்பர் ஹிட் ஆனது, இதனால் கடைசி நேரத்தில் வந்த சூப்பர் ஹிட் பட வாய்ப்பை நழுவ விட்டதற்கு வருத்தப்பட்டாராம் நடிகை அசின்