சினிமாவில் பாப்புலர் ஹீரோவாக வலம் வருபவர் சிலம்பரசன் TR. இவர் நடிப்பில் ‘மாநாடு, மஹா, பத்து தல, வெந்து தணிந்தது காடு, கொரோனா குமார்’ என ஐந்து படங்கள் லைன் அப்பில் இருந்தது. இதில் பிரபல இயக்குநர் வெங்கட் பிரபு இயக்கியிருந்த ‘மாநாடு’ திரைப்படம் கடந்த நவம்பர் 25-ஆம் தேதி திரையரங்குகளில் ரிலீஸானது.
இந்த படத்தில் ஹீரோயினாக கல்யாணி ப்ரியதர்ஷனும், வில்லன் ரோலில் எஸ்.ஜே.சூர்யாவும் நடித்திருந்தனர். இப்படம் திரையரங்குகளில் வெற்றிகரமாக ஓடிக் கொண்டிருக்கிறது. இந்நிலையில், ‘கொரோனா குமார்’ படம் குறித்து ஒரு முக்கிய தகவல் கிடைத்துள்ளது. இந்த படத்தில் சிலம்பரசனுக்கு ஜோடியாக நடிக்க அதிதி ஷங்கர் ஒப்பந்தமாகி உள்ளாராம்.
இவர் டாப் இயக்குநர்களில் ஒருவரான ஷங்கரின் மகளாம். அதிதி ஷங்கர் இப்போது கார்த்தியின் ‘விருமன்’ படத்தில் நடித்து வருவது குறிப்பிடத்தக்கது. ‘கொரோனா குமார்’ படத்தை ‘வேல்ஸ் ஃபிலிம் இண்டர்நேஷனல்’ நிறுவனம் சார்பில் ஐசரி கணேஷ் தயாரிக்க உள்ளாராம். இதனை பாப்புலர் இயக்குநர்களில் ஒருவரான கோகுல் இயக்க உள்ளார்.
Home