சேகர் கம்முலா இயக்கும் ‘#D51’… தனுஷுடன் இணைந்து நடிக்கும் டோலிவுட்டின் முன்னணி ஹீரோ!

தமிழ் சினிமாவில் முன்னணி நடிகர்களில் ஒருவராக வலம் வருபவர் தனுஷ். இவர் நடிப்பில் ‘கேப்டன் மில்லர், தேரே இஷ்க் மெய்ன்’, இயக்குநர் சேகர் கம்முலா படம், சன் பிக்சர்ஸ் தயாரிக்கும் படம் என நான்கு படங்கள் லைன் அப்பில் இருக்கிறது.

இதில் சேகர் கம்முலா இயக்கவிருக்கும் படத்தின் கான்செப்ட் போஸ்டரை இன்று தனுஷின் பர்த்டே ஸ்பெஷலாக ரிலீஸ் செய்துள்ளனர். இப்போஸ்டர் சமூக வலைத்தளங்களில் வைரலாகி வருகிறது.

தெலுங்கு, தமிழ், மலையாளம், கன்னடம், ஹிந்தி என ஐந்து மொழிகளில் உருவாகும் இந்த படத்தில் தனுஷுக்கு ஜோடியாக சாய் பல்லவி, ராஷ்மிகா மந்தனா என இரண்டு ஹீரோயின்ஸ் நடிக்கவுள்ளதாகவும், மிக முக்கிய ரோலில் நாகார்ஜுனா நடிக்கவிருப்பதாகவும் சொல்லப்படுகிறது.

தனுஷின் கேரியரில் 51-வது படமான இதனை ‘ஸ்ரீ வெங்கடேஸ்வரா சினிமாஸ் LLP – அமிகோஸ் கிரியேஷன்ஸ் பிரைவேட் லிமிடெட்’ ஆகிய நிறுவனங்கள் இணைந்து தயாரிக்கிறது. இதன் ப்ரீ-புரொடக்ஷன் பணிகள் பரபரப்பாக நடைபெற்று வருகிறது. மிக விரைவில் இப்படத்தின் ஷூட்டிங் ஆரம்பிக்கப்படும் என எதிர்பார்க்கப்படுகிறது.