தமிழ் திரையுலகில் சின்ன சின்ன கதாபாத்திரங்கள் மூலம் அறிமுகமாகி பின்பு தற்போது காமெடி நடிகராக வலம் வருபவர் நடிகர் யோகிபாபு. இவர் தற்போது “ட்ரிப்” எனும் படத்தில் நடித்து வருகிறார்.
இந்தப் படத்தில் நடிகர் யோகிபாபுவுடன் சுனைனா மற்றும் கருணாகரன், மோட்டை ராஜேந்திரன் உள்ளிட்டோர் நடிக்கிறார்கள். காமெடி கலந்த த்ரில்லர் திரைப்படமான இந்த திரைப்படத்தை டென்னிஸ் மஞ்சுநாத் இயக்குகிறார்.
சித்துகுமார் இசையில் இந்தப்படத்தின் “வாட் அ லைஃப்?” என்ற சிங்கிள் பாடல் தற்போது வெளியாகியுள்ளது. இந்தப் பாடலை புகழ்பெற்ற பாடகர் கானா பாலா பாடியுள்ளார்.
சாய் பிலிம் ஸ்டுடியோஸ் தயாரிப்பில் இந்த படத்தின் காட்சிகளை உதயசங்கர் ஒளிப்பதிவு செய்கிறார். தீபக் எஸ். துவாரகாந்த் இந்த படத்தின் காட்சிகளை எடிட்டிங் செய்கிறார்.
இந்த படத்தின் படப்பிடிப்பு வேலைகள் தற்போது கொரோனா காரணமாக நிறுத்தி வைக்கப்பட்டுள்ளது. விரைவில் இந்த காமெடி திரில்லர் திரைப்படம் மக்களை மகிழ்விக்க திரையரங்கில் வெளியாகும் என்று ரசிகர்கள் எதிர்பார்த்து காத்திருக்கிறார்கள்.
