பிரபல அரசியல் தலைவரான முன்னாள் முதலமைச்சர் மறைந்த மு.கருணாநிதி அவர்களின் பேரனான உதயநிதி ஸ்டாலின் தொடர்ந்து அரசியலிலும் ஈடுபட்டு அதுமட்டுமின்றி படங்களில் ஹீரோவாகவும் நடித்து வருகிறார்.
எம்.ராஜேஷ் இயக்கத்தில் 2012 ஆம் ஆண்டு வெளியான “ஒரு கல் ஒரு கண்ணாடி” படத்தின் மூலம் தமிழ் திரையுலகிற்கு ஹீரோவாக அறிமுகமானவர் நடிகர் உதயநிதி ஸ்டாலின்.
இதை தொடர்ந்து இது கதிர்வேலன் காதல், நண்பேண்டா, மனிதன், சரவணன் இருக்க பயமேன், நிமிர், கண்ணேகலைமானே, சைக்கோ ஆகிய படங்களில் நடித்து தனக்கென தனி இடத்தை ஹீரோவாக தமிழ் திரையுலகில் பெற்றுள்ளார்.
இவர் நடிகராக மட்டுமல்லாமல் தயாரிப்பாளராகவும் தமிழ் திரையுலகில் திகழ்ந்து வருகிறார். தற்போது மாறன் இயக்கத்தில் உருவாகி வரும் “கண்ணை நம்பாதே” என்ற படத்தில் நடித்து வருகிறார். அதுமட்டுமின்றி அதியமான் இயக்கத்தில் “ஏஞ்சல்” என்ற படத்திலும் நடித்து வருகிறார்.
இந்த வரிசையில் தற்போது இந்தியில் பிரபலமான “ஆர்டிக்கல்15” திரைப்படத்தின் தமிழ் ரீமேக்கில் தற்போது நடிப்பதற்கு ஒப்பந்தமாகியுள்ளார் நடிகர் உதயநிதி ஸ்டாலின்.
Excited to join hands with dir @Arunrajakamaraj producer @BoneyKapoor sir @mynameisraahul @BayViewProjOffl and @ZeeStudios_ for the Tamil remake of #Article15
— Udhay (@Udhaystalin) August 22, 2020
ஏற்கனவே இவர் நடித்து வரும் படங்களின் படப்பிடிப்பு தற்போது லாக்டோன் காரணமாக நிறுத்தி வைக்கப்பட்டுள்ளது. மேலும், தற்போது அவர் ஒப்பந்தமாகியுள்ள “ஆர்டிக்கல்15” திரைப்படத்தின் தமிழ் ரீமேக்கை அருண்ராஜா காமராஜ் இயக்கவுள்ளதாகவும், போனிகபூர் தயாரிப்பதாகவும் செய்தி வந்ததது. தற்போது இதற்கான அதிகாரப்பூர்வமான தகவல் வெளியாகியுள்ளது.
இதனால் உதயநிதி ஸ்டாலின் பாலிவுட்டின் பிரபல படத்தின் தமிழ் ரீமேக்கில் நடிப்பதற்காக அவருக்கு வாழ்த்துக்கள் குவிந்து வருகிறது. தற்போது நடிகர் சூரி இவருக்கும் இயக்குனர் அருண்ராஜா காமராஜுக்கும் தனது வாழ்த்துக்களை ட்விட்டரில் பதிவிட்டுள்ளார்.
https://twitter.com/sooriofficial/status/1297424521729724417
