சினிமாவில் பாப்புலர் ஹீரோவாக வலம் வருபவர் உதயநிதி ஸ்டாலின். இப்போது நடிகர் உதயநிதி ஸ்டாலின் நடிப்பில் ‘ஏஞ்சல், கண்ணை நம்பாதே’, ‘ஆர்டிகிள் 15’ ரீமேக் மற்றும் இயக்குநர் மகிழ் திருமேனி படம் என நான்கு படங்கள் லைன் அப்பில் இருக்கிறது.
இந்நிலையில், நடிகர் உதயநிதி ஸ்டாலின் தனது கால்ஷீட் டைரியில் இணைய ஒரு புதிய படத்துக்கு ஓகே சொல்லியிருப்பதாக தகவல் கிடைத்துள்ளது. இன்னும் பெயரிடப்படாத இந்த படத்தை பிரபல இயக்குநர்களில் ஒருவரான சுசீந்திரன் இயக்க உள்ளாராம். இது தொடர்பான அதிகாரப்பூர்வ அறிவிப்பு இன்னும் வெளியாகவில்லை. இருப்பினும் நடிகர் உதயநிதி ஸ்டாலின் – இயக்குநர் சுசீந்திரன் காம்போவில் உருவாகப்போகும் முதல் படம் என்பதால் இப்போதே ரசிகர்களின் எதிர்பார்ப்பு அதிகமாகியுள்ளது.
இயக்குநர் சுசீந்திரன் இப்போது ஜெய்யை வைத்து ‘சிவ சிவா’ மற்றும் சிலம்பரசனை வைத்து ‘ஈஸ்வரன்’ என இரண்டு படங்களை இயக்கி வருகிறார். இவ்விரண்டு படங்களின் ஷூட்டிங்கும் முடிந்து விட்டது. இதன் போஸ்ட் புரொடக்ஷன் பணிகள் ஜெட் ஸ்பீடில் நடைபெற்று வருகிறது. இப்பணிகள் முடிவடைந்ததும் உதயநிதி ஸ்டாலினை வைத்து இயக்கும் படத்துக்கான வேலைகளை சுசீந்திரன் ஆரம்பிப்பார் என எதிர்பார்க்கப்படுகிறது.
