‘தடம்’ இயக்குநரின் ஆக்ஷன் த்ரில்லர் படம்… மாஸான அப்டேட் கொடுத்த உதயநிதி ஸ்டாலின்!

சினிமாவில் பாப்புலர் ஹீரோவாக வலம் வருபவர் உதயநிதி ஸ்டாலின். இப்போது நடிகர் உதயநிதி ஸ்டாலின் நடிப்பில் ‘ஏஞ்சல், கண்ணை நம்பாதே’ மற்றும் ‘ஆர்டிகிள் 15’ ரீமேக் என மூன்று படங்கள் லைன் அப்பில் இருக்கிறது.

இந்நிலையில், நடிகர் உதயநிதி ஸ்டாலின் தனது கால்ஷீட் டைரியில் இணைய ஒரு புதிய படத்துக்கு ஓகே சொல்லியிருப்பதாக அதிகாரப்பூர்வ தகவல் கிடைத்துள்ளது. இன்னும் பெயரிடப்படாத இந்த படத்தை ‘தடம்’ படம் மூலம் ஃபேமஸான இயக்குநர் மகிழ் திருமேனி இயக்க உள்ளார். இதில் உதயநிதி ஸ்டாலினுக்கு ஜோடியாக பிரபல நடிகை நிதி அகர்வால் நடிக்க உள்ளார்.

இதனை தனது ‘ரெட் ஜெயன்ட் மூவிஸ்’ சார்பில் உதயநிதி ஸ்டாலினே தயாரிக்க உள்ளார். இந்த படத்துக்கு அரோல் கொரெல்லி இசையமைக்க உள்ளார். ஆக்ஷன் த்ரில்லர் ஜானர் படமான இதன் ஷூட்டிங் இன்று (நவம்பர் 6-ஆம் தேதி) முதல் பூஜையுடன் ஆரம்பிக்கப்பட்டுள்ளது. இந்த தகவலை உதயநிதி ஸ்டாலினே தனது ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியுள்ளார்.