“நாய் சேகர் ரிட்டன்ஸ்” தோல்வியால் வடிவேலு எடுத்த அதிரடி முடிவு !

தமிழில் மிகப் பிரமாண்ட படைப்புகளை வழங்கி வரும் லைகா புரொடக்ஷன்ஸ் சுபாஸ்கரன் தயாரிப்பில், இயக்குனர் சுராஜ் இயக்கத்தில், நீண்ட இடைவேளைக்கு பிறகு வைகைப்புயல் வடிவேலு நாயகனாக நடித்த , “நாய் சேகர் ரிட்டன்ஸ்” படம் டிசம்பர் மாதம் 9 -ஆம் தேதி வெளியானது .

தமிழ் மக்களின் வாழ்வில் இரண்டறக் கலந்தவர் வைகைப்புயல் வடிவேலு, அவரது காமெடி இல்லாத வீட்டு திரையே தமிழ்நாட்டில் கிடையாது. இணைய உலகமே அவரது காமெடியில் தான் இயங்கி வருகிறது. நீண்ட இடைவேளைக்கு பிறகு அவர் நாயகனாக நடிக்கும் , “நாய் சேகர் ரிட்டன்ஸ்” படத்தின் அறிவிப்பு வெளியான போதே படத்திற்கான ரசிகர்களின் எதிர்பார்ப்பு உச்சத்தை எட்டியது. படத்தின் டைட்டிலோடு வெளியான மோஷன் போஸ்டர் ரசிகர்களிடம் பெரும் வரவேற்பை பெற்றது.

ஆனால் படம் வெளியாகி சரியான வரவேற்பை பெறவில்லை . இதனால் நடிகர் வடிவேலு இனிமேல் கதாநாயகனாக நடிக்க போவதில்லை என்ற முடிவை எடுத்துள்ளார் என்று கூறப்படுகிறது .