இந்த படம் வடிவேலுக்காக செய்யப்பட்டதா.. ஆச்சர்யமான தகவல்…!

“என் ராசாவின் மனசிலே” திரைப்படத்தின் மூலம் தமிழ்திரையுலகிற்கு கிடைத்தவர் வடிவேலு. இவரை மக்கள் “வைகைப்புயல்” என்று செல்லமாக அழைத்து வருகின்றனர். இவரது நகைச்சுவை வைகை ஆற்றை போல சர சரவென வெடிக்கும் என்பதால் வடிவேலுக்கு வைகைப்புயல் என்ற பெயர் வந்தது. இவர் நடிப்பில் மட்டுமில்லாமல் நாட்டுப்புற பாடல்கள் பாடுவதிலும் வல்லவர். நகைச்சுவை காட்சிகளில் எந்த அளவுக்கு நம்மை சிரிக்க வைத்தாரோ அதே அளவுக்கு அவரது நடிப்பில் நம்மை கலங்கடிக்கவும் செய்வார்.

மேலும் அவர் கதாநாயகனாக நடித்த படம் 23ஆம் புலிகேசி என்று நமக்கு தெரியும். ஆனால் அதற்கு முன்பாகவே வடிவேலுவிற்கு கதாநாயகனாக நடிக்கும் வாய்ப்பு வந்தது. ஆனால் அந்த திரைப்படத்தில் அவருக்கு பதிலாக கதாநாயகனாக நடித்தது யார் என்று தெரியுமா? “தளபதி விஜய்” தான்! ஆம்!

1999 ஆம் ஆண்டு விஜய், சிம்ரன் நடிப்பில் இயக்குனர் எழில் இயக்கத்தில் வெளியான “துள்ளாத மனம் துள்ளும்” திரைப்படத்தில் தான் வைகைப்புயல் வடிவேலு கதாநாயகனாக நடிக்க முதலில் ஒப்பந்தம் செய்யப்பட்டார். பின்பு பல்வேறு காரணங்களால் இப்படம் விஜய்யின் நடிப்பில் வெளியாகி பெரும் வெற்றியை அடைந்தது.

இதேபோல் இன்னொரு திரைப்படமும் வடிவேலுக்காக எழுதப்பட்டு பின்பு வேறொரு நடிகர்களின் நடிப்பில் வெளியானது. 2013 ஆம் ஆண்டு விஜய்சேதுபதி நடிப்பில் வெளியான “சூது கவ்வும்” திரைப்படத்தில் வரும் “தாஸ்” என்ற கதாபாத்திரம் முதலில் வடிவேலுவை மனதில் வைத்து தான் எழுதப்பட்டதாக இப்படத்தின் இயக்குனர் நலன் குமாரசாமி ஒரு நேர்காணலில் கூறியிருந்தார். விஜய் சேதுபதியின் நடிப்பில் படம் செம ஹிட் அடித்திருந்தாலும் இந்த கதாபாத்திரத்தில் வடிவேலு நடித்திருந்தால் இன்னும் மாஸாக இருந்திருக்கும் என்று வடிவேலுவின் ரசிகர்கள் கருத்து தெரிவித்துள்ளனர்.