பிரபல இயக்குநர் மற்றும் நடிகரான சுந்தர் சியுடன் நகைச்சுவை புயல் வடிவேலு இணைந்து பல வெற்றி படங்களை கொடுத்திருக்கிறார்கள். இவர்களின் காம்போவில் வரும் அனைத்து நகைச்சுவை காட்சிகளும் தற்போதும் கூட மக்கள் மனதில் நீங்காத இடத்தை பிடித்துள்ளது.
இவர்கள் சுராஜ் இயக்கத்தில் 2006ம் ஆண்டு வெளிவந்த “தலைநகரம்” படத்தில் இணைந்து நடித்திருந்தார்கள். இதில் வடிவேலு”நாய் சேகர்”எனும் கதாபாத்திரத்தில் நடித்திருந்தார். இந்தப்படம் பெரிதளவு மக்களிடம் ரீச் ஆகவில்லை என்றாலும், இந்தப் படத்தின் நகைச்சுவை காட்சிகள் சூப்பர் ஹிட் அடித்தது.இந்த படத்தில் வரும் காமெடி காட்சிகளை வைத்து இன்றும்கூட மீம் கிரியேட்டர்ஸ் பல காமெடி மீம்களை தயாரித்து வருகிறார்கள்.
இந்தப் படத்தில்தான் சுந்தர் சி முதன்முதலில் ஹீரோவாக அறிமுகமானார். அன்றிலிருந்து வேறு சில படங்களிலும் அவர் ஹீரோவாக நடிக்கத் தொடங்கினார்.
பின்பு சுந்தர் சி இயக்கத்திலேயே இவர்கள் கூட்டணி ‘நகரம்’ என்ற படத்தில் ஒன்று சேர்ந்தது. அந்தப் படத்திலும் காமெடி காட்சிகள் சூப்பர் ஹிட். இப்படி இவர்கள் இணைந்தாலே மக்களை வயிறு குலுங்க சிரிக்க வைப்பார்கள் என்பது ஊர்ஜிதமானது.
தற்போது இவர்கள் மீண்டும் இணைந்து “தலைநகரம் 2″படத்தில் நடிக்கவுள்ளதாகவும், இந்த படத்தை வி.இசட்.துரை இயக்கவுள்ளார் என்றும் செய்தி வந்துள்ளது. இந்த லாக்டவுனில் இதற்கான ஸ்கிரிப்டை இவர் தயாரித்து வருகிறாராம். இவர் சமீபத்தில் சுந்தர் சியுடன் இணைந்து”இருட்டு”என்ற படத்தை இயக்கினார் என்பது குறிப்பிடத்தக்கது.
