‘காமெடி’ என்று சொன்னாலே வடிவேலுவின் பெயர் தான் டக்கென நினைவுக்கு வரும். அந்த அளவுக்கு அவரின் காமெடி காட்சிகள் நம் மனதில் பதிந்து விட்டது. நமது வாழ்க்கையிலும், படங்களில் வடிவேலு பேசிய பல வசனங்களை சூழ்நிலைக்கு தகுந்தாற்போல் தினமும் நம்மை அறியாமல் பேசிக் கொண்டே தான் இருக்கிறோம்.
இப்போது வடிவேலு நடிப்பில் ‘நாய் சேகர் ரிட்டர்ன்ஸ், சந்திரமுகி 2, மாமன்னன்’ என மூன்று படங்கள் லைன் அப்பில் இருக்கிறது. இந்நிலையில், நேற்று (செப்டம்பர் 12-ஆம் தேதி) வடிவேலுவின் பிறந்தநாள் என்பதால் திரையுலக பிரபலங்களும், ரசிகர்களும் இவருக்கு சமூக வலைத்தளங்களில் வாழ்த்து தெரிவித்தனர்.
தற்போது, ‘மாமன்னன்’ ஷூட்டிங் ஸ்பாட்டில் வடிவேலு தனது பிறந்த நாளை முன்னிட்டு கேக் வெட்டி கொண்டாடியதாக தகவல் கிடைத்துள்ளது. அப்போது எடுக்கப்பட்ட ஸ்டில்ஸ் வெளியாகி சமூக வலைத்தளங்களில் தீயாய் பரவி வருகிறது.
உதயநிதி ஸ்டாலின் ஹீரோவாக நடித்து வரும் ‘மாமன்னன்’ படத்தை பாப்புலர் இயக்குநர்களில் ஒருவரான மாரி செல்வராஜ் இயக்கி வருகிறார். இதில் ஹீரோயினாக கீர்த்தி சுரேஷும், மிக முக்கிய ரோலில் ஃபஹத் ஃபாசிலும் நடித்து வருகிறார்கள்.
Home