‘காமெடி’ என்று சொன்னாலே வடிவேலுவின் பெயர் தான் டக்கென நினைவுக்கு வரும். அந்த அளவுக்கு அவரின் காமெடி காட்சிகள் நம் மனதில் பதிந்து விட்டது. நமது வாழ்க்கையிலும், படங்களில் வடிவேலு பேசிய பல வசனங்களை சூழ்நிலைக்கு தகுந்தாற்போல் தினமும் நம்மை அறியாமல் பேசிக் கொண்டே தான் இருக்கிறோம்.
சமீபத்தில், புதிய காமெடி படத்துக்காக நடிகர் வடிவேலுவும் – இயக்குநர் சுராஜும் மீண்டும் கூட்டணி அமைக்கப்போகின்றனர் என்று தகவல் வந்தது. இந்த தகவலை நடிகர் வடிவேலுவும், இயக்குநர் சுராஜுமே அதிகாரப்பூர்வமாக அறிவித்திருந்தனர். ‘நாய் சேகர்’ என டைட்டில் சூட்டப்பட்டுள்ள இந்த படத்தை ‘லைகா புரொடக்ஷன்ஸ்’ நிறுவனம் தயாரிக்க உள்ளதாம்.
இதற்கு சந்தோஷ் நாராயணன் இசையமைக்க உள்ளார். இந்நிலையில், வடிவேலு தனது கால்ஷீட் டைரியில் இணைய ஒரு புதிய படத்துக்கு ஓகே சொல்லியிருப்பதாக தகவல் கிடைத்துள்ளது. இந்த படத்தை ‘சூது கவ்வும், காதலும் கடந்து போகும்’ போன்ற படங்களை இயக்கிய இயக்குநர் நலன் குமாரசாமி இயக்க உள்ளாராம். இப்படத்தையும் ‘லைகா’வே தயாரிக்கவுள்ளதாம்.
Home