குட்டி பத்மினிக்கு பதிலடி கொடுத்த வனிதா விஜயகுமார்

சென்ற வாரம் நடிகை வனிதா விஜயகுமார் பீட்டர் பால் என்பவரை திருமணம் செய்து கொண்டார். இவருக்கு திருமணமான நாள் முதலே, பீட்டரின் முதல் மனைவி தங்களுக்கு விவாகரத்து ஆகவில்லை என்ற பிரச்சனையை கிளப்பிவிட்டார்.

வனிதாவுக்கு இது மூன்றாவது திருமணம். ஏற்கனவே பல பிரச்சனைகளில் சிக்கிய வனிதா விஜயகுமார் தற்போது தான் நிம்மதியாக இவரை திருமணம் செய்துகொண்டார்.அதிலும் தற்போது பிரச்சினை ஏற்பட்டுள்ளது. இவர்களின் பிரச்சினை பற்றி ஏற்கனவே லட்சுமிராமகிருஷ்ணன் பேசியதை கண்டித்து பதிலடி கொடுத்துள்ளார் வனிதா.

தற்போது குட்டி பத்மினியும் இவரது வாழ்க்கைக்கு அறிவுரை கூறுகிறேன் என்று டுவிட்டரில் கமெண்ட் செய்துள்ளார்.

குட்டி பத்மினி கூறியுள்ளதாவது, குடிப்பழக்கம் இருக்கும் ஒரு நபருடன் குழந்தைகளை வைத்திருப்பது சரியல்ல, எனவே உன் குழந்தைகளை ஹாஸ்டலில் சேர்த்து விடு இந்த பிரச்சனை முடியும்வரை என்றிருக்கிறார்.

இதற்கு பதிலடி கொடுக்கும் விதமாக வனிதா”டியர் குட்டி பத்மினி இங்கே கமெண்ட் செய்வதற்கு கஷ்டமாக உள்ளது. நீங்கள் என்னிடம் தனியாக பேசாமல் இங்கே கமெண்ட் செய்துள்ளதால் தான் இங்கே பதிலளிக்கும்படி ஆகியுள்ளது. உங்களுடைய அறிவுரை எனக்கு தேவை இல்லை. நான் உங்களைப் போல் இல்லை என்பதை நேரடியாக சொல்லி முடிக்கிறேன்”இவ்வாறு கூறியுள்ளார்.

இந்த கமெண்டிர்ருக்கு உடனடியாக மன்னிப்பு கேட்டு குட்டிபத்மினி” நான் தவறாக பேசியிருந்தால் அதற்கு மன்னிப்பு கேட்க தயங்கும் ஆளில்லை. உனக்கு நான் கூறியது தவறாக பட்டிருந்தால் மன்னித்துவிடு. நான் கூற வந்ததை நீ புரிந்து கொள்ளாதது எனக்கு கஷ்டமாக இருக்கிறது” என்றிருக்கிறார்.

மன்னிப்பை ஏற்றுக்கொண்ட வனிதா “மன்னிப்பு கேட்டதற்கு மிகவும் நன்றி. நீங்கள் கூறியது இம்மெச்சூர் அட்வைஸ். என் குழந்தைகள் தான் எனது உலகம் எனது வாழ்க்கை, அவர்களை விட்டு நான் எப்படி பிரிந்திருப்பது. சினிமா பிரபலங்களை பற்றி கிசுகிசு பேசுவதை விட்டுவிட்டு வேறு ஏதாவது பற்றி பேசுங்கள். ஏனென்றால் அனைவரும் திருப்பி பதிலடி கொடுக்க மாட்டார்கள், ஆனால் அவர்களுக்கு அது கஷ்டமாக இருக்கும்” இவ்வாறு கூறியுள்ளார்.

முதல் மனைவி பிரச்சினையில் தன் கணவர் பீட்டர் பாலுக்கு மிகவும் உறுதுணையாக இருக்கும் வனிதா வரும் பிரச்சினைகளை சட்டரீதியாக சந்திப்பேன் என்று கூறியுள்ளார்.