பிரபல முன்னணி நடிகர் விஜயக்குமாரின் மகள் வனிதா விஜயகுமார் சர்ச்சையில் சிக்காமல் இருந்ததே இல்லை. சமீபத்தில் பீட்டர் பால் என்பவரை திருமணம் செய்து கொண்ட இவர், பீட்டர் பாலின் முதல் மனைவியால் பிரச்சனை ஏற்பட்டு மீண்டும் சர்ச்சைக்குள்ளானார்.
நடிகை வனிதா விஜயகுமார் கடந்த ஜூன் 27ஆம் தேதி பீட்டர் பால் என்பவரை திருமணம் செய்து கொண்டார். அவர்களது திருமணமான மறுநிமிடமே பீட்டர் பால் முதல் மனைவி தங்களுக்கு இன்னும் விவாகரத்து ஆகவில்லை என்று சர்ச்சை எழுப்பினார். இதற்கு கொஞ்சம் கூட கவலைப்படாமல் வனிதா தன் கணவர் பீட்டர் பாலுக்கு முழுவதுமாக உறுதுணையாக நின்று இதைப்பற்றி வரும் அவதூறுகளுக்கு பதிலடி கொடுத்து அனைவரது முகத்திலும் கரி பூசி வருகிறார்.
இந்நிலையில் சமூக வலைத்தளங்களில் தன் கணவருடன் செலவிடும் அன்பான நேரங்களை புகைப்படங்களாக பதிவிட்டு வருகிறார். இந்த புகைப்படங்கள் இணையதளத்தில் வைரலாகி வருகிறது.
குறிப்பாக அவர் தனது மகளுடன் பீட்டர் பால் இருக்கும் புகைப்படங்களை வெளியிட்டு “உண்மையான அப்பா வேறு, டாடி என்றால் வேறு.. டாடி என்பவர் ஒரு தாய் போல” என்று உணர்ச்சி வசமாக குறிப்பிட்டிருக்கிறார்.
நேற்று அவர் தனது திருமண மோதிரங்களின் புகைப்படத்தை வெளியிட்டு” எங்கள் உண்மையான ரிஜிஸ்டர் செய்யப்படவிருக்கும் திருமணத்திற்காக ஆர்டர் செய்த மோதிரங்கள் லாக்டோன் முடிந்ததும் வந்து சேர்ந்துள்ளது. எங்கள் திருமணம் பற்றி புரியாது அனைவருக்கும், இவர் என் உயிரில் பாதி, எந்த சட்டத்தாலும் யாராலும் எங்களை பிரிக்க முடியாது” என்று நக்கலாக குறிப்பிட்டுள்ளார்.
இதற்கு முன்னர் சமீபத்தில் பீட்டர் பால் வனிதாவை முத்தமிடுவது போன்ற புகைப்படத்தை வெளியிட்டு “மகள்களைப் பெற்ற அப்பாக்களுக்கு மட்டுமே தெரியும், முத்தம் காமத்தில் சேர்ந்ததில்லை என்று” என்று குறிப்பிட்டிருந்தார். இது இணையதளத்தில் படுவேகமாக வைரலாகியது.
வனிதா விஜயகுமாரின் மூன்றாவது திருமணமும் சர்ச்சைக்குள்ளாகி இருந்தாலும் அவர் தனது கணவருடன் மகிழ்ச்சியாகவே காணப்படுகிறார்.
Home